ព័ត៌មានអន្ដរជាតិ

មនុស្សជាច្រើននាក់ជាប់គាំង ខណៈភ្លើងឆេះខុនដូ៣៨ជាន់នៅកណ្ដាលទីក្រុងបាងកក

បានផុស

៩ ខែ មុន

នៅ

ថ្ងៃព្រហស្បតិ៍ ៩ តុលា ២០២៥

ដោយ

យោងតាមការចេញផ្សាយរបស់សារព័ត៌មាន Khaosod នៅថ្ងៃទី ០៩ ខែតុលា អគ្គិភ័យដ៏ធំមួយបានឆាបឆេះខុនដូដ៏ប្រណិតមួយនៅកណ្តាលទីក្រុងបាងកក ប្រទេសថៃ ដោយបានបញ្ចេញផ្សែងខ្មៅយ៉ាងក្រាស់ និងអណ្តាតភ្លើងយ៉ាងសន្ធោសន្ធៅឡើងលើមេឃ ខណៈមនុស្សជាច្រើនជាប់គាំងជម្លៀសចេញមិនទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍ អគ្គិភ័យបានកើតឡើងនៅម៉ោង១និង៥៥នាទីរសៀល នៅជាន់ទី ១៦ នៃអគារ ៣៨ ជាន់ ដែលមានទីតាំងនៅទល់មុខហាងលក់ទំនិញ Pata លើផ្លូវ Somdet Phra Pinklao ក្នុងខណ្ឌ Bangkok Noi កណ្ដាលទីក្រុងបាងកកតែម្ដង ។

ក្រុមពន្លត់អគ្គិភ័យបានឆ្លើយតប ដោយដាក់ពង្រាយរថយន្តពន្លត់អគ្គិភ័យជាច្រើនគ្រឿងទៅកាន់កន្លែងកើតហេតុ និងធ្វើប្រតិបត្តិការជម្លៀសមនុស្សទៅជាន់ផ្ទាល់ដីជាបន្ទាន់។ ទោះយ៉ាងណាបើតាមរបាយការណ៍បឋម មនុស្សជាច្រើននាក់បានជាប់នៅជាន់ទី១៧ និង២៤ នៅឡើយ ដែលជំរុញឱ្យកិច្ចខិតខំប្រឹងប្រែងជួយសង្គ្រោះកាន់តែខ្លាំងឡើង។

ចំពោះមូលហេតុនៃការឆាបឆេះនេះកំពុងស្ថិតក្រោមការស៊ើបអង្កេត ហើយការខូចខាត ចំនួនមនុស្សស្លាប់និងរបួស មិនទាន់ត្រូវបានដឹងនៅឡើយនោះទេ៕