ព័ត៌មានអន្ដរជាតិ

តើហេតុអ្វីបានជា ត្រាំ មិនទទួលពានណូបែលសន្តិភាពឆ្នាំ២០២៥?

បានផុស

៨ ខែ មុន

នៅ

ថ្ងៃសុក្រ ១០ តុលា ២០២៥

ដោយ

មួយរយៈចុងក្រោយនេះ ផ្ទុះការតាមដានជាខ្លាំងជុំវិញការលើកឡើងដែលថា ប្រធានាធិបតីសហរដ្ឋអាមេរិក លោក ដូណាល់ ត្រាំ សមតែជាបេក្ខជនទទួលរង្វាន់ណូបែលសន្តិភាពឆ្នាំ២០២៥ ដោយសារកត្តាមួយចំនួនដែលគេទើបឃើញ ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រឹងប្រែងអាកាត់បញ្ចប់សង្គ្រាមមួយចំនួនរវាងប្រទេសនិងប្រទេស ប៉ុន្តែអ្នកប្រតិកម្មជាច្រើនមិនបានដឹងលក្ខខណ្ឌទទួលបាននោះទេ។

ខាងក្រោមនេះជាលក្ខខណ្ឌដែលអាចឲ្យអ្នកអានស្ងប់ចិត្តបាន៖

លោក ត្រាំ ដឹកនាំកិច្ចប្រជុំនៅសេតវិមាន។ WH

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតកាលបរិច្ចេទតែងតាំងបេក្ខភាព ជាបុគ្គលឯកជន ឬតំណាងអង្គការក្តី សម្រាប់រង្វាន់ណូបែលសន្តិភាពឆ្នាំ២០២៥ គឺ បានផុតកំណត់ត្រឹមថ្ងៃទី៣១ខែមករា២០២៥មកម្ល៉េះ ខណៈដែលលោក ដូណាល់ ត្រាំ បានឡើងកាន់អំណាចកាលថ្ងៃទី២០ខែមករា គឺមុនការបិទការដាក់ពាក្យត្រឹមតែ១១ថ្ងៃ។ ក្នុងរយៈពេលនេះ ត្រាំ មិនបានធ្វើអ្វីសម្រាប់សក្តានុពលបញ្ចប់សង្គ្រាមណាមួយនោះទេ។

សមាជិកនៃគណៈកម្មាធិការណូបែលសន្តិភាពនៃប្រទេសន័រវេសអាចបន្ថែមឈ្មោះបន្ថែមទៀតទៅក្នុងបញ្ជីក្នុងអំឡុងពេលកិច្ចប្រជុំលើកដំបូងរបស់ពួកគេ ដែលឆ្នាំនេះត្រូវបានធ្វើឡើងនៅថ្ងៃទី ២៨ ខែកុម្ភៈ កាលពីដើមឆ្នាំនេះមកម្ល៉េះ។

យោងតាមការផ្សព្វផ្សារបស់គណៈកម្មាធិការ មានបេក្ខជនចំនួន ៣៣៨នាក់ ដែលត្រូវបានស្នើតែងតាំងសម្រាប់រង្វាន់ណូបែលសន្តិភាពសម្រាប់ឆ្នាំ ២០២៥ ដែលក្នុងនោះ ២៤៤ ជាបុគ្គលឯកជន និង ៩៤ តំណាងឲ្យអង្គការ។

ចំនួននេះមានការកើនឡើងគួរឲ្យកត់សម្គាល់ធៀបនឹងឆ្នាំ២០២៤ ដែលមានបេក្ខជនសរុប ចំនួន ២៨៦នាក់។ ចំនួនបេក្ខជនដែលត្រូវបានស្នើឈ្មោះច្រើនជាងគេគឺនៅឆ្នាំ២០១៦ មានបេក្ខជនចំនួន ៣៧៦នាក់។ យោងសេចក្តីប្រកាសរបស់គណៈកម្មាធិការកាលថ្ងៃទី៥ខែមីនា២០២៥។

អ្នកឈ្នះរង្វាន់ណូបែលសន្តិភាពឆ្នាំ ២០២៥ ត្រូវបានប្រកាសនៅថ្ងៃសុក្រ១០ខែតុលា ដោយពិធីប្រគល់រង្វាន់នឹងប្រព្រឹត្តទៅនៅថ្ងៃទី ១០ ខែធ្នូ នៅទីក្រុង Oslo ប្រទេសន័រវែស៕

រ៉ាន់ រើយ