ព័ត៌មានអន្ដរជាតិ
ត្រាំ បើកភ្លើងបៃតងឲ្យ CIA ធ្វើសកម្មភាពនៅ វ៉េណេស៊ុយអេឡា
ប្រធានាធិបតីអាមេរិក ដូណាល់ ត្រាំ បញ្ជាក់ថា លោកបានអនុញ្ញាតឲ្យ CIA ធ្វើសកម្មភាពនៅក្នុងប្រទេសវ៉េណេស៊ុយអេឡា ដោយគិតមកត្រឹមពេលនេះ កងកម្លាំងអាមេរិកបានបើកការវាយប្រហារចំនួន៥លើករួចទៅហើយ លើកប៉ាល់សង្ស័យដឹកគ្រឿងញៀនសម្លាប់មនុស្ស២៧នាក់ ក្នុងតំបន់ការ៉ាប៊ីន។
តាមការផ្សាយរបស់ Reuters នៅថ្ងៃព្រហស្បតិ៍ទី១៦ខែតុលាឆ្នាំ២០២៥ លោកត្រាំបានបញ្ជាក់ពីរបាយការណ៍ពាក់ព័ន្ធ CIA ហើយថែមទាំងគំរាមថា អាមេរិកនឹងបើកការវាយប្រហារបន្ថែមទៀតនៅក្នុងតំបន់នេះ។
នៅក្នុងការិយាល័យពងក្រពើ អ្នកសារព័ត៌មានម្នាក់បានសួរលោក ត្រាំ ថា៖ «ហេតុអ្វី លោកអនុញ្ញាតឲ្យទីភ្នាក់ងារ CIA ចូលទៅក្នុងប្រទេសវ៉េណេស៊ុយអេឡា?។ ប្រធានាធិបតីអាមេរិកឆ្លើយថា៖ «តាមពិតមានហេតុផលពីរ! ទីមួយគឺពួកគេ [វ៉េណេស៊ុយអេឡា] បានបើកឲ្យអ្នកទោសរបស់ពួកគេចូលទៅក្នុងសហរដ្ឋអាមេរិក។ ទៅពីរគឺគ្រឿងញៀន! យើងមានគ្រឿងញៀនជាច្រើនកំពុងហូរចូលមកពីប្រទេសវ៉េណេស៊ុយអេឡា ហើយគ្រឿងញៀនវ៉េណេស៊ុយអេឡាជាច្រើន បានចូលមកតាមផ្លូវសមុទ្រ ដែលអ្នកបានឃើញហើយ ប៉ុន្តែយើងនឹងទប់ស្កាត់ពួកវាតាមផ្លូវគោកផងដែរ»។
សូមជម្រាបថា ចាប់តាំងពីខែកញ្ញាមក អាមេរិក បានបើកការវាយប្រហារចំនួន៥លើកហើយ នៅតំបន់ការាប៊ីន ដែលនាំឲ្យចំនួនមនុស្សស្លាប់សរុបឡើងដល់២៧នាក់។ ប្រតិបត្តិការទាំងនេះក៏រួមមានទាំងការវាយប្រហារលើកប៉ាល់របស់ក្រុម Tren de Aragua ដែលមានទំនាក់ទំនងនឹងវ៉េណេស៊ុយអេឡាផងដែរ។
រដ្ឋបាលលោក ត្រាំ បាននិយាយការពារយុទ្ធនាការនេះ ដោយប្រាប់ថា ខ្លួនចាត់ទុកសហរដ្ឋអាមេរិកស្ថិតក្នុង«ជម្លោះប្រដាប់អាវុធមិនមែនអន្តរជាតិ» ជាមួយអង្គការភេរវករដែលពាក់ព័ន្ធនឹងការរត់ពន្ធគ្រឿងញៀន។
ភាពតានតឹងរវាងអាមេរិកនិងវ៉េណេស៊ុយអេឡា បានឡើងកម្តៅយ៉ាងក្តៅគគុក ជាពិសេសកាលពីដើមខែសីហា ដែលរដ្ឋបាលលោក ត្រាំ ប្រកាសថា នឹងផ្តល់រង្វាន់ទ្វេដងឡើងដល់ ៥០លានដុល្លារ សម្រាប់ព័ត៌មានឈានដល់ការចាប់ខ្លួន ឬការកាត់ទោសប្រធានាធិបតី នីកូឡាស ម៉ាឌូរ៉ូ ដែលត្រូវចោទប្រកាន់ពីបទជួញដូរគ្រឿងញៀននៅសហរដ្ឋអាមេរិក។
អាមេរិកចោទលោក ម៉ាឌូរ៉ូ ថាកំពុងប្រើប្រាស់ប្រាក់ចំណេញពីគ្រឿងញៀនដើម្បីរក្សាអំណាចខ្លួន។ លោក ម៉ាឌូរ៉ូ ត្រូវបានចោទប្រកាន់ជាលើកដំបូងនៅក្នុងឆ្នាំ២០២០ ដោយរដ្ឋអាជ្ញាអាមេរិក ដែលថា លោកបានដើរតួនាទីសំខាន់ក្នុងការសមគំនិតរត់ពន្ធកូកាអ៊ីនដ៏ច្រើនសន្ធឹកសន្ធាប់ចូលទៅក្នុងទឹកដីសហរដ្ឋអាមេរិក៕
អត្ថបទ៖ សុខ សុវណ្ណ
ចុចអាន៖ លោក ត្រាំ៖ អាមេរិកកម្ទេចទូកគ្រឿងញៀនមួយទៀតចេញពីវ៉េណេស៊ុយអេឡា ស្លាប់មនុស្ស៦នាក់
-
ព័ត៌មានជាតិ១ សប្តាហ៍ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ១ សប្តាហ៍ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
កីឡា២ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ១ សប្តាហ៍ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៥ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សន្តិសុខសង្គម៧ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានជាតិ៦ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ