ព័ត៌មានអន្ដរជាតិ
អ៊ុយក្រែននិងស៊ុយអែត រួមគ្នាផលិតសម្ភារបម្រើវិស័យការពារជាតិ
រដ្ឋមន្ត្រីការពារជាតិស៊ុយអែត លោក Pal Jonson បាននិយាយកាលពីថ្ងៃព្រហស្បតិ៍ ទី៦ ខែវិច្ឆិកា ថា ប្រទេស ស៊ុយអែត និងអ៊ុយក្រែន បានចុះហត្ថលេខាលើលិខិតបង្ហាញចេតនា (letter of intent) លើការច្នៃប្រឌិតផ្នែកយុទ្ធបករណ៍ការពារជាតិ ដែលរួមមានការបង្កើតមជ្ឈមណ្ឌលរួមគ្នានៅអ៊ុយក្រែនទៀតផង។
តាមការដកស្រង់របស់រ៉យទ័រ រដ្ឋមន្ត្រីការពារជាតិស៊ុយអែត លោក Jonson បានប្រាប់សន្និសីទសារព័ត៌មានរួមគ្នាមួយនៅទីក្រុងស្តុកខុម (Stockholm) ជាមួយសមភាគីអ៊ុយក្រែនលោក Denys Shmyhal ថា «យើងនឹងបង្កើតមជ្ឈមណ្ឌលរួមគ្នាមួយនៅអ៊ុយក្រែន ដែលបុគ្គលិកស៊ុយអែតនឹងធ្វើការលើការច្នៃប្រឌិតផ្នែកឧបករណ៍ការពារជាតិ»។
នៅក្នុងសន្និសីទសារព័ត៌មាន រដ្ឋមន្ត្រីការពារជាតិអ៊ុយក្រែន លោក Shmyhal បាននិយាយថា អ៊ុយក្រែនបានស្នើឱ្យស៊ុយអែត ចាប់ផ្តើមបណ្តុះបណ្តាលអ្នកបើកយន្តហោះអ៊ុយក្រែន លើយន្តហោះចម្បាំងស៊ុយអែត Gripen ឱ្យបានឆាប់តាមដែលអាចធ្វើទៅបាន។
លោកបាននិយាយថា អ៊ុយក្រែនបានត្រៀមខ្លួនជាស្រេចក្នុងការបញ្ជូនបុគ្គលិកទៅប្រទេសស៊ុយអែតភ្លាមៗ។
ប្រទេសស៊ុយអែតបានចុះហត្ថលេខាលើកិច្ចព្រមព្រៀងសហប្រតិបត្តិការរយៈពេលវែងមួយកាលពីខែតុលាជាមួយអ៊ុយក្រែនសម្រាប់វិស័យការពារដែនអាកាស ដែលរួមបញ្ចូលទាំងលទ្ធភាពនៃការនាំចេញយន្តហោះចម្បាំងជំនាន់ទី៤ ដែលនឹងក្លាយជាការបញ្ជាទិញយន្តហោះដ៏ធំបំផុតរបស់ប្រទេសស៊ុយអែតដែលមិនទាន់មានការបញ្ជាទិញនៅឡើយ។
ប្រទេសស៊ុយអែតជាប្រទេសដែលមានការអភិវឌ្ឍន៍គួរឲ្យកត់សម្គាល់លើវិស័យការពារជាតិ ដូចជា ការផលិតយន្តហោះចម្បាំងប្រភេទ Gripen ដែលបានលក់ឲ្យប្រទេសថៃដំបូងក្នុងតំបន់អាស៊ីអាគ្នេយ៍កាលឆ្នាំ២០១១ ហើយ ថៃបានប្រើប្រាស់យន្តហោះចម្បាំងប្រភេទនេះវាយប្រហារប៉ុនប៉ងឈ្លានពានកម្ពុជាចន្លោះថ្ងៃទី២៤ដល់ថ្ងៃទី២៨ខែ កក្កកដាឆ្នាំ២០២៥។
ការប្រើប្រាស់យន្តហោះចម្បាំងទិញពីស៊ុយអែត ដោយប្រើប្រាស់សម្រាប់គោលបំណងឈ្លានពាននេះ កំពុងក្លាយជាវត្ថុបំណងនៃការប្តឹងពីការប្រើប្រាស់ខុសគោលការណ៍នៃការនាំចេញរបស់ប្រទេសផលិត ព្រោះថាថៃ បានប្រើប្រាស់សម្រាប់ការវាយប្រហារលើប្រាសាទបុរាណដែលជាសម្បត្តិបេតិកភ័ណ្ឌពិភពលោក លើហេដ្ឋារចនាសម្ព័ន្ធស៊ីវិល វត្តអារាម លំនៅដ្ឋានរបស់ប្រជាជនជាដើម៕
រ៉ាន់ រើយ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៦ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ