កងទ័ពជើងទឹក អាមេរិកបញ្ចេញវីដេអូធ្វើសមយុទ្ធ និងឃ្លាំមើលនាវាដឹកយន្តហោះចិននៅសមុទ្រចិនខាងត្បូង

កងទ័ពជើងទឹកសហរដ្ឋអាមេរិកបានបង្ហាញរូបថត និងវីដេអូនៃសមយុទ្ធ និងការឃ្លាំមើលកងទ័ពជើងទឹករបស់ចិននៅសមុទ្រចិនខាងត្បូង និងដែនទឹកក្បែរនោះ ។

នាវាផ្ទុកយន្តហោះ Theodore Roosevelt Carrier Strike Group បានធ្វើសមយុទ្ធនៅសមុទ្រចិនខាងត្បូងចាប់តាំងពីថ្ងៃទី ៤ ខែមេសា ។

វីដេអូមួយដែលត្រូវបានថតក្នុងពេលធ្វើសមយុទ្ធជាមួយកងទ័ពអាកាស Royal Malaysian Air Force នៅថ្ងៃទី ៦ និទីង ៧ ខែមេសា បានបង្ហាញពីយន្តហោះចម្បាំងមកពីកងកម្លាំងទាំងពីរកំពុងហោះហើរស្របគ្នាលើនាវាផ្ទុកយន្តហោះអាមេរិក ។

ទន្ទឹមនោះរូបថតមួយសន្លឹកផ្សេងទៀតដែលត្រូវបានគេនិយាយថា បានថតនៅក្នុងសមុទ្រហ្វីលីពីនកាលពីថ្ងៃទី ៤ ខែមេសា បង្ហាញពីមន្រ្តីមេបញ្ជាការនៃនាវាពិឃាត USS Mustin កំពុងសង្កេតមើលនាវាដឹកយន្តហោះចិន Liaoning ។

ទោះបីវាមិនមែនជារឿងធម្មតាសម្រាប់កងទ័ពជើងទឹកអាមេរិកដើម្បីតាមដានចលនាកងទ័ពជើងទឹកចិនក៏ដោយ ប៉ុន្តែវាជារឿងកម្រសម្រាប់អាមេរិកដែលបង្ហាញសកម្មភាពបែបនេះ ។

សកម្មភាពនេះត្រូវបានគេគិតថាមានគោលបំណងដើម្បីរក្សាសកម្មភាពដែនសមុទ្ររបស់ចិនដែលកំពុងកើនឡើង ខណៈពេលដែលបង្ហាញសមយុទ្ធរួមគ្នារបស់ខ្លួនជាមួយបណ្តាប្រទេសជាមិត្តនៅក្នុងតំបន់ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ យន្តហោះ ចម្បាំង និងទម្លាក់គ្រាប់បែករបស់យោធាចិន ២៥ គ្រឿងចូលតំបន់ការពារដែនអាកាសតៃវ៉ាន់

ចុចអាន ៖ យន្តហោះចម្បាំងចិន J-20 ជំនាន់ថ្មីត្រៀមរួចជាស្រេចសម្រាប់ការប្រយុទ្ធទ្រង់ទ្រាយធំ