ព្យុះ​រដូវ​រងា​នាំ​មក​នូវ​ខ្យល់​ ព្រិល និង​ទឹកកក​ដ៏​គ្រោះ​ថ្នាក់​ដល់​ប្រជាជនរាប់លាននៅ​​អាមេរិក​​

ព្យុះនារដូវ​រងា​​ប្រភេទ​ថ្មី​មួយ​បាន​កំពុង​កើត​ឡើង​នៅ​ភាគ​ខាង​កើត​សហរដ្ឋ​អាមេរិក​កាល​ពី​ថ្ងៃ​ចន្ទ​ដែល​នាំ​មក​នូវ​ខ្យល់​​ខ្លាំង​​ ការ​ធ្លាក់​ព្រិល​និង​ទឹក​កក​ជា​ច្រើន​ ​ដែល​​​បង្ក​ការ​លំបាក​និង​​​ងាយរង​​ហានិភ័យ​ដល់សុខភាព​​។

យោង​តាម​សារព័ត៌មាន ABC News ខ្យល់​បក់​រហូត​ដល់ទៅ​ ​៧២.៤គីឡូ​ម៉ែត្រ​ក្នុង​មួយ​ម៉ោង​ គឺ​អាច​កើត​ឡើង​នៅ​រដ្ឋ ជា​ច្រើ​ន​នៅសហរដ្ឋអាមេរិក ដូច​ជា​ រដ្ឋ Iowa, Illinois, Indiana, Ohio, Kentucky, West, Virginia, Pennsylvania, New Jersey, Delaware និងរដ្ឋ Maryland ។

ការ​​ព្រមាន​​អំពី​​ព្យុះ​​ទឹក​កក​​​ដ៏​មាន​​ឥទ្ធិពល​​នៅ​​​គ្រប់​​​​ផ្នែកទាំង​អស់​​​នៃ​​រដ្ឋ Iowa, Wisconsin និង​​ឧប​ទ្វីប​​ខាង​លើ​​នៃ​​រដ្ឋ Michigan។

ព្រិល​ធ្លាក់​ខ្លាំង និង​ឥទ្ធិពល​នៃ​​​ខ្យល់​បក់​រហូត​ដល់ ៨០.៤គីឡូម៉ែត្រ​ក្នុង​មួយ​ម៉ោង​ កំពុង​បង្កើត​លក្ខខណ្ឌ​មិន​ប្រក្រតីមួយ​ចំនួន​​។ នៅ​ទីក្រុង Minneapolis ស្ថិត​​នៅ​​ក្រោម​​ការ​ណែ​នាំ​​អំពី​​អាកាស​ធាតុ​​​រដូវ​​រងា​​នៅ​​ព្រឹក​​ថ្ងៃ​​ចន្ទ ដោយ​សារ​​ព្រិល​​ធ្លាក់​​ខ្លាំង​។

ចំណែក​នៅ​ភាគ​ឦ​សាន គ្រោះ​ថ្នាក់​ខ្លាំង​អាច​កើត​នៅ​ព្រឹក​ថ្ងៃ​ចន្ទ​គឺ​ទឹក​កក​។

ការ​​ព្រមាន​​អំពី​​ព្យុះ​​ទឹកកក​​ដ៏​មាន​​ឥទ្ធិពល​​ពី​​ទី​ក្រុង​​ញូវ​យ៉ក​​​​ភាគ​​ច្រើន​​នៃ​​រដ្ឋ Vermont ដែល​​អាច​​មាន​​ពី ៤ទៅ៧ភាគ១០ នៃ​​ទឹកកក។ បរិមាណ​​ទឹក​កក​​នេះ​​ធ្វើ​​ឱ្យ​​ការ​​ធ្វើ​​ដំណើរ​​មាន​​គ្រោះ​ថ្នាក់​​ខ្លាំង ហើយ​​អាច​​ធ្វើ​​ឱ្យ​​ដើម​ឈើ និង​​ខ្សែ​ភ្លើង​​ធ្លាក់​​ចុះ​​។

នា​ពេល​ថ្ងៃត្រង់​កាល​ពី​ថ្ងៃ​​ថ្ងៃ​ចន្ទ ព្រិល​នឹង​ផ្លាស់​ទី​ទៅ​ទិស​ខាង​កើត ដែល​ជះឥទ្ធិ​ពល​ដល់​រដ្ឋ Michigan រដ្ឋ Ohio ភាគ​ខាង​លិច Pennsylvania និង​ភាគ​ខាង​លិច​ទីក្រុង New York។

ការ​ធ្លាក់​ព្រិល​ខ្លាំង​បែប​នេះ​នឹង​បន្ត​រហូត​ដល់​ពេញ​មួយ​សប្តាហ៍​នេះ​។

គួរ​ឱ្យ​ដឹង​ផង​ដែរ​ថា​ទី​កន្លែង​កំសាន្ត​មួយ​ចំនួន​ដូចជា​ Orchard Park ទី​ក្រុង​ញូវ​យ៉​ក នៅ​ខាង​ក្រៅ Buffalo អាច​មើល​ឃើញ​ព្រិល​ពី ១ទៅ ៣ហ្វីតឬ ៣០.៤៨ ​ទៅ ៩១.៤៤សង់ទីម៉ែត្រ​ នៅ​​សប្តាហ៍​នេះ ​ហើយ​ខ្យល់​បក់​រហូត​ដល់ ៦៥ម៉ាយ​ក្នុង​មួយ​ម៉ោងឬ១០៤.៦ គីឡូម៉ែត្រក្នុង​មួយ​ម៉ោង​ អាច​បង្កើត​លក្ខ​ខណ្ឌដែល​ព្រិល​មាន​​ពណ៌​ស​ខ្លាំង​នៅ​ពេល​ណា​មួយ​៕​

ប្រែ​សម្រួល​៖ ណឺ មិនា​