ព័ត៌មានអន្ដរជាតិ

អង់គ្លេស៖ មនុស្ស៥ក្រុម អាចតម្រូវឲ្យចូលធ្វើយោធា បើសង្គ្រាមលោកទី៣ផ្ទុះឡើង

បានផុស

៦ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

អ្នកជំនាញយោធាជូនដំណឹងបន្ទាន់ទៅក្រុមមនុស្សប្រាំក្រុមផ្សេងគ្នា ដែលអាចប្រឈមមុខនឹងការចូលធ្វើទាហាននៅចក្រភពអង់គ្លេស ប្រសិនបើសង្គ្រាមលោកលើកទី៣ផ្ទុះឡើង។ យុវជនទាំងនោះចម្លោះពីអាយុ១៨ដល់២៥ឆ្នាំ និងអតីតទាហាន ទោះបីជាមានការបដិសេធពីរដ្ឋាភិបាលក៏ដោយ។

មនុស្សទាំងប្រាំងកុ្រមនោះរួមមាន ក្រុមយុវជនប្រុស មនុស្សនៅលីវ ស្រ្តី (ក្នុងករណីចាំបាច់ខ្លាំង) អតីតទាហាន និងកុ្រមមនុស្សមានវ័យច្រើនផងដែរ បើសិនសង្រ្គាមនោះអូសបន្លាយពេលវេលាកាន់តែយូរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនតែប៉ុណ្ណោះ មេដឹកនាំរុស្សីបានបន្តគម្រាមកំហែងយ៉ាងខ្លាំងដល់ប្រទេសលោកខាងលិច ដោយបង្ខំឱ្យមេដឹកនាំក្នុងប្លុកសេរីប្រាប់ដល់ពលរដ្ឋរបស់ខ្លួនឱ្យត្រៀមខ្លួន ចំពោះសង្រ្គាមដែលអាចកើតឡើងដោយនឹកស្មានមិនដល់។

យោងតាមសារព័ត៌មាន Daily Star ឱ្យដឹងថា អ្នកជំនាញខាងយោធាបានព្រមានម្តងហើយម្តងទៀតថា ចំនួនយោធាដែលមានស្រាប់មានការថយចុះយ៉ាងខ្លាំង ដោយអតីតសមាជិកសភា និងជាអតីតមន្ត្រីយោធាអង់គ្លេស លោកបណ្ឌិត Mike Martin បានលើកឡើងថា ការចូលធ្វើយោធារបស់ប្រជាជនចក្រភពនឹងក្លាយទៅជាកាតព្វកិច្ចជៀសមិនរួច។

អ្នកជំនាញខាងយោធាដែលឧស្សាហ៍និយាយពីសេដ្ឋកិច្ចក្រុងឡុងដ៍ លើកឡើងថា៖«តើយើងត្រូវការទាហានបន្ថែមទេ! ពិតណាស់ យើងពិតជាត្រូវការ! ព្រោះនៅទីបំផុត យើងមិនទាន់ដល់ដំណាក់កាលដែលមាននរណាអាចជំនួសមនុស្សដោយយន្តហោះគ្មានមនុស្សបើកបានទេ»។ លោកបានបង្ហាញទៀតថា វាជារឿងដែលត្រូវគិតគូរនៅដើមឆ្នាំនេះ។

លោក Mike Martin បានបន្ថែមថា៖«យើងនៅឆ្ងាយពីកន្លែងសង្គ្រាម។ ដ្រូន(យន្តហោះគ្មានមនុស្សបើក) ប្រាកដជាមិនអីទេ ដរាបណាគ្មានមនុស្សបាញ់ទម្លាក់ ប៉ុន្តែយើងនៅតែត្រូវការមនុស្សដើម្បីកាន់កាប់ក្នុងភូមិ ទឹកដី និងអ្វីៗដែលនៅសេសសល់។ ហើយគោលការណ៍នេះនឹងមិនផ្លាស់ប្តូរទៅណាទេ គឺត្រូវតែចាប់ផ្តើមធ្វើពីពេលនេះ»។ នេះបើយោងតាមសារព័ត៌មាន The Express.

ទោះបីជាបែបនេះក្តី ក្នុងអំឡុងពេលបង្ហាញខ្លួនរបស់លោកនៅលើ Podcast របស់ភ្នាក់ងារព័ត៌មានមួយ នាយករដ្ឋមន្រ្តីអង់គ្លេស លោក Keir Starmer ទទូចថា៖«គ្មាននរណាម្នាក់បាននិយាយអំពីការចុះឈ្មោះចូលធ្វើទាហាននោះទេ»។

ឧត្តមសេនីយ លោក Patrick Sanders បានផ្តល់សារដាស់តឿនដ៏ទន់ភ្លន់មួយដល់រដ្ឋាភិបាលកាលពីឆ្នាំមុន ដោយប្រកាសថា៖ «ចក្រភពអង់គ្លេស ត្រូវតែត្រៀមខ្លួនជាស្រេច សម្រាប់បញ្ចូលប្រជាជនឱ្យធ្វើទាហាន មិនលើសក្នុងរយៈពេលប្រាំមួយឆ្នាំនេះដាច់ខាត ប្រសិនបើមានការគំរាមកំហែងពីរុស្ស៊ី របស់ លោក ពូទីន នៅតែបន្ត»៕

ប្រែសម្រួល៖ ណឺ មិនា