ព័ត៌មានអន្ដរជាតិ
អាមេរិក យល់ព្រមតាមអ៊ីរ៉ង់ ប្ដូរកន្លែងចរចានុយក្លេអ៊ែរទៅកាន់ប្រទេសអូម៉ង់វិញ
នៅក្នុងការផ្លាស់ប្តូរយុទ្ធសាស្ត្រដ៏គួរឲ្យភ្ញាក់ផ្អើលមួយ សហរដ្ឋអាមេរិក និងអ៊ីរ៉ង់បានព្រមព្រៀងគ្នាប្តូរទីតាំងនៃការចរចានុយក្លេអ៊ែរដ៏សំខាន់ពីប្រទេសតួកគី មកកាន់ប្រទេសអូម៉ង់វិញនៅថ្ងៃសុក្រសប្ដាហ៍នេះ។ ការសម្រេចចិត្តប្តូរទីតាំងនេះ គឺជាការឆ្លើយតបទៅនឹងការទាមទាររបស់ទីក្រុងតេហេរ៉ង់ ដែលចង់ឲ្យមានជំនួបចង្អៀត និងផ្តោតជាពិសេសតែលើបញ្ហានុយក្លេអ៊ែរប៉ុណ្ណោះ ខណៈដែលភាពតានតឹងរវាងប្រទេសទាំងពីរបានឈានដល់ចំណុចគ្រោះថ្នាក់បំផុត បន្ទាប់ពីការបង្ក្រាបបាតុកម្មយ៉ាងសាហាវនៅក្នុងប្រទេសអ៊ីរ៉ង់ និងការប្រឈមមុខដាក់គ្នាផ្នែកយោធាជាបន្តបន្ទាប់។
យោងតាមការចុះផ្សាយរបស់សារព័ត៌មាន PBS ការផ្លាស់ប្តូរផែនការនេះកើតឡើងចំពេលមានភាពមិនប្រាកដប្រជាជាខ្លាំង។ កាលពីដើមសប្តាហ៍នេះ យន្តហោះចម្បាំងកងទ័ពជើងទឹកអាមេរិកបានបាញ់ទម្លាក់យន្តហោះគ្មានមនុស្សបើករបស់អ៊ីរ៉ង់នៅជិតនាវាផ្ទុកយន្តហោះ ខណៈដែលមេដឹកនាំយោធាអ៊ីរ៉ង់បានបង្ហាញសមត្ថភាពមីស៊ីលរបស់ខ្លួនជាសាធារណៈជាពិសេសមីស៊ីល Khorramshahr ដែលអាចបាញ់បានចម្ងាយជាង២០០០គីឡូម៉ែត្រ ដើម្បីបង្ហាញពីការត្រៀមខ្លួនខាងយោធាក្រោយសង្រ្គាមជាមួយអ៊ីស្រាអែលកាលពីខែមិថុនាឆ្នាំមុន។
រដ្ឋបាលលោក ដូណាល់ ត្រាំ បានបញ្ជាក់ពីការចូលរួមរបស់ខ្លួន ប៉ុន្តែមន្ត្រីសេតវិមានបានបង្ហើបថា ពួកគេនៅតែមានការសង្ស័យយ៉ាងខ្លាំង ចំពោះភាពជោគជ័យនៃកិច្ចចរចាមួយនេះ។ ទោះជាយ៉ាងណាក៏ដោយ អាមេរិកបានយល់ព្រមតាមការផ្លាស់ប្តូរទីតាំង ដើម្បីផ្តល់កិត្តិយសដល់សម្ព័ន្ធមិត្តអារ៉ាប់ និងមូស្លីមនៅក្នុងតំបន់ដែលបានជំរុញកុំឲ្យបោះបង់ចោលផ្លូវការទូត។
អនុប្រធានាធិបតីអាមេរិក លោក JD Vance បានលើកឡើងថា ការចរចាជាមួយអ៊ីរ៉ង់គឺជារឿង «ចម្លែក និងស្មុគស្មាញ» ដោយសារប្រព័ន្ធនយោបាយដែលគ្រប់គ្រងដោយមេដឹកនាំកំពូល Ali Khamenei ដែលមិនអាចពិភាក្សាផ្ទាល់បាន។ លោកបានបញ្ជាក់យ៉ាងច្បាស់ថា គោលដៅដាច់ខាតរបស់លោកត្រាំ គឺការរារាំងអ៊ីរ៉ង់មិនឲ្យទទួលបានអាវុធនុយក្លេអ៊ែរជាដាច់ខាត ទោះបីជាត្រូវប្រើមធ្យោបាយយោធាក៏ដោយ បើការទូតបរាជ័យ។ ខណៈពេលដែលអ៊ីរ៉ង់ចង់ឲ្យការចរចាមានវិសាលភាពចង្អៀត លោករដ្ឋមន្ត្រីការបរទេស Marco Rubio ក៏បានសង្កត់ធ្ងន់ដែរថា អាមេរិកសង្ឃឹមនឹងរុញការពិភាក្សាឲ្យលើសពីបញ្ហានុយក្លេអ៊ែរ ដោយរួមបញ្ចូលទាំងបញ្ហាមីស៊ីលបាលិស្ទិក និងការគោរពសិទ្ធិមនុស្សរបស់ប្រជាជនអ៊ីរ៉ង់ផងដែរ៕
ប្រែសម្រួល៖ ឈាង
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៤ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ