ប្រធានាធិបតីតៃវ៉ាន់ និង កូរ៉េខាងត្បូង  អបអរលោកស្រី Takaichi ចំពោះ ជ័យជម្នះគគ្រឹកគគ្រេង

ប្រធានាធិបតីតៃវ៉ាន់ លោក Lai Ching-te បានអបអរសាទរនាយករដ្ឋមន្ត្រីជប៉ុន Takaichi Sanae ចំពោះជ័យជម្នះយ៉ាងគគ្រឹកគគ្រេងរបស់គណបក្សប្រជាធិបតេយ្យសេរី (LDP) ដែលកំពុងកាន់អំណាចរបស់លោកស្រី ក្នុងការបោះឆ្នោតសភាជាន់ទាបកាលពីថ្ងៃអាទិត្យទី៨ ខែកុម្ភៈ ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចេញផ្សាយដោយទីភ្នាក់ងារ NHK មេដឹកនាំតៃវ៉ាន់បានសរសេរនៅក្នុងសារមួយនៅលើបណ្តាញសង្គមថា គណបក្ស LDP ដែលបានឈ្នះអាសនៈជាច្រើន បង្ហាញពីទំនុកចិត្ត និងការរំពឹងទុកក្នុងចំណោមអ្នកបោះឆ្នោតជប៉ុន ចំពោះភាពជាអ្នកដឹកនាំ និងចក្ខុវិស័យរបស់លោកស្រី។

លោក Lai បានសម្តែងក្តីសង្ឃឹមសម្រាប់កិច្ចសហប្រតិបត្តិការជាមួយមេដឹកនាំជប៉ុន ដោយថា តៃវ៉ាន់-ជប៉ុន អាចធ្វើការរួមគ្នាលើបញ្ហាប្រឈមក្នុងតំបន់តាមរយៈតម្លៃរួម និងស្មារតីនៃផលប្រយោជន៍ទៅវិញទៅមក និងកិច្ចសហការ។ លោកសង្ឃឹមយ៉ាងមុតមាំ វិធីសាស្រ្តសហប្រតិបត្តិការនឹងនាំទៅរកការរីកចម្រើននៃសន្តិភាព និងវិបុលភាពនៅក្នុងតំបន់ឥណ្ឌូ-ប៉ាស៊ីហ្វិក។

ដោយឡែក នៅក្នុងថ្ងៃតែមួយនោះដែរ ប្រធានាធិបតីកូរ៉េខាងត្បូង លោក Lee Jae Myung បានអបអរសាទរដល់លោកស្រី Takaichi ចំពោះជ័យជម្នះក្នុងការបោះឆ្នោតរបស់គណបក្ស ហើយបានជូនពរឲ្យប្រទេសជប៉ុនបន្តទទួលបានជោគជ័យក្រោមការដឹកនាំរបស់លោកស្រី។ លោកឡើកឡើងនៅក្នុងសារប្រព័ន្ធផ្សព្វផ្សាយសង្គមមួយ ដោយសង្ឃឹមថា នឹងបានជួបលោកស្រីឆាប់ៗនេះនៅក្នុងប្រទេសកូរ៉េខាងត្បូង ខណៈដែលមេដឹកនាំទាំងពីរចូលរួមក្នុងការទូតតាមយានអវកាស៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ត្រាំ អបអរលោកស្រី Takaichi ចំពោះ «ជ័យជម្នះភ្លូកទឹកភ្លូកដី»