​មេ​ដឹកនាំ​បារាំង​ និង​អ៊ីតាលី ប៉ះសម្តី​គ្នា​​ជុំវិញ​អំពើហិង្សា​នៅបារាំង​​​​

ប្រធានាធិបតីបារាំង លោក Emmanuel Macron កាលពីថ្ងៃព្រហស្បតិ៍ទី១៩ខែកុម្ភៈ បានឆ្លើយតបទៅកាន់លោកស្រី Giorgia Meloni ដោយស្នើឲ្យនាយករដ្ឋមន្ត្រីអ៊ីតាលីឈប់ធ្វើអត្ថាធិប្បាយលើកិច្ចការផ្ទៃក្នុងរបស់ប្រទេសដទៃទៀត បន្ទាប់ពីគាត់លើកឡើងអំពីឧប្បត្តិហេតុដ៏សាហាវនៅឯប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន​ france24 ប្រធានាធិបតី​បារាំង លោក Macron បាន​និយាយថា​ នៅប្រទេសបារាំង គ្មានកន្លែងសម្រាប់ចលនា​ណាមួយ​ដើម្បីទទួលយក និងធ្វើឲ្យអំពើហិង្សាស្របច្បាប់នោះទេ ហើយសូម្បីតែក្នុងការប្រឈមមុខដាក់គ្នាដ៏​ខ្លាំង​សម្រាប់សាធារណរដ្ឋក៏ដោយ។

ការប្រកាសដ៏តានតឹងរបស់​ប្រធានាធិបតី​​បារាំង​បានកើត​​ឡើង បន្ទាប់ពីនាយករដ្ឋមន្ត្រីអ៊ីតាលី លោកស្រី Giorgia Meloni បាននិយាយកាលពីថ្ងៃទី ១៨ខែកុម្ភៈថា ការស្លាប់របស់លោក Deranque គឺជា «របួសសម្រាប់អឺរ៉ុបទាំងមូល»។

លោក Quentin Deranque ជាពលរដ្ឋបារាំងអាយុ ២៣​ឆ្នាំ បានស្លាប់កាលពីសប្តាហ៍មុនដោយសាររបួសក្បាល បន្ទាប់ពីត្រូវបានវាយប្រហារដោយមនុស្សយ៉ាងហោចណាស់៦នាក់ នៅខាងក្រៅការតវ៉ា​ដោយ​​ក្រុម​ស្តាំនិយមនៅសាកលវិទ្យាល័យមួយក្នុងទីក្រុង Lyon។

ទោះបី​យ៉ាងណា យោងតាមប្រភពពីរដ្ឋអាជ្ញា Thierry Dran បានប្រាប់សន្និសីទសារព័ត៌មានថា បច្ចុប្បន្នជនសង្ស័យមានចំនួន១១នាក់ ក្នុង​នោះ​មាន​បុរស ៨ នាក់ និងស្ត្រី ៣នាក់ ដែលត្រូវចាប់ខ្លួនទាក់ទងនឹងការស្លាប់របស់លោក Deranque។​​ ឥឡូវនេះ​​ជនសង្ស័យ​​កំពុងប្រឈមមុខនឹងការចោទប្រកាន់ពីបទ ឃាតកម្មដោយចេតនា។ ក្នុងចំណោមពួកគេមានជំនួយការពីរនាក់របស់លោក Raphael Arnault សមាជិកសភាមកពីគណបក្ស French Indomitable (LFI) ឆ្វេងនិយម៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ឧត្តមសេនីយ៍ជាន់ខ្ពស់អាមេរិក ធ្វើទស្សនកិច្ចដ៏គួរឲ្យភ្ញាក់ផ្អើលទៅកាន់ វ៉េណេស៊ុយអេឡា