ព័ត៌មានអន្ដរជាតិ

ពូទីនត្រៀមខ្លួនលក់ប្រេងឱ្យអឺរ៉ុប តែស្ថិតក្នុងលក្ខខណ្ឌកំណត់ដោយរុស្ស៊ី

បានផុស

៣ ខែ មុន

នៅ

ថ្ងៃអង្គារ ១០ មីនា ២០២៦

ដោយ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានិយាយថា រុស្ស៊ីត្រៀមខ្លួនរួចជាស្រេចក្នុងការផ្គត់ផ្គង់ប្រេង និងឧស្ម័នទៅអឺរ៉ុបវិញ ប៉ុន្តែស្ថិតនៅក្នុងលក្ខខណ្ឌរបស់រុស្ស៊ីប៉ុណ្ណោះ ខណៈសង្គ្រាមរវាងសហរដ្ឋអាមេរិក និងអ៊ីស្រាអែលលើប្រទេសអ៊ីរ៉ង់បាននិងកំពុងធ្វើឱ្យការដឹកជញ្ជូនប្រេងឆ្លងកាត់ច្រកសមុទ្រ Hormuz ជាប់គាំង និងធ្វើឲ្យមានវិបត្តិថាមពលជាសកល។

ប្រធានាធិបតីរុស្ស៊ី លោក វ្ល៉ាឌីមៀ ពូទីន។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Al Jazeera ផ្សាយថ្ងៃទី៩ខែមីនា ឲ្យដឹងថា ប្រធានាធិបតីរុស្ស៊ីរូបនេះ បានលើកឡើងក្នុងសេចក្តីអត្ថាធិប្បាយមួយ កាលពីថ្ងៃចន្ទថា ទីក្រុងមូស្គូបានត្រៀមខ្លួនរួចជាស្រេច ក្នុងការធ្វើការជាមួយអតិថិជនអឺរ៉ុប ដែលសមាជិកអឺរ៉ុបភាគច្រើនបានឈប់ទិញប្រេងនិងឧស្ម័ន្តពីប្រទេសរុស្ស៊ី ក្នុងគោលបំណងបញ្ឈប់រំហូរហិរញ្ញវត្ថុដល់សង្គ្រាមរុស្ស៊ីលើអ៊ុយក្រែន។

ទោះបីយ៉ាងណា បណ្តាប្រទេសនៅអឺរ៉ុប បានចំណាយពេល៤ឆ្នាំមកហើយ ក្នុងការកាត់បន្ថយការពឹងផ្អែករបស់ពួកគេលើប្រេង និងឧស្ម័នរបស់រុស្ស៊ី ដើម្បីឆ្លើយតបទៅនឹងសង្គ្រាមរបស់ទីក្រុងមូស្គូជាមួយអ៊ុយក្រែន និងទណ្ឌកម្មជាបន្តបន្ទាប់ពីសហភាពអឺរ៉ុប និងក្រុមប្រទេសទាំង៧ (G៧)។

គួរបញ្ជាក់ថា សហភាពអឺរ៉ុបបានហាមឃាត់ការនាំចូលប្រេងឆៅរបស់រុស្ស៊ីតាមសមុទ្រក្នុងឆ្នាំ២០២២ ខណៈការនាំចេញបំពង់បង្ហូរប្រេងរបស់រុស្ស៊ីទៅកាន់ប្រទេសហុងគ្រី និងស្លូវ៉ាគីត្រូវបានបញ្ឈប់ជាបណ្ដោះអាសន្នចាប់តាំងពីខែមករា ដោយសារតែការខូចដល់បំពង់បង្ហូរប្រេង Druzhba តាមរយៈប្រទេសអ៊ុយក្រែន។

លោក ពូទីនថា៖ «ប្រសិនបើក្រុមហ៊ុនអឺរ៉ុប និងអ្នកទិញអឺរ៉ុបសម្រេចចិត្តផ្លាស់ប្តូរទិសដៅរបស់ខ្លួនភ្លាមៗ និងផ្តល់ឱ្យយើងនូវកិច្ចសហប្រតិបត្តិការរយៈពេលវែង និងប្រកបដោយចីរភាព ដោយគ្មានសម្ពាធនយោបាយ នោះយើងមិនបដិសេធវាឡើយ។ យើងត្រៀមខ្លួនរួចរាល់ហើយ ដើម្បីធ្វើការជាមួយបណ្តាប្រទេសនៅអឺរ៉ុប»។

លោកបន្តថាក្រុមហ៊ុនរុស្ស៊ីគួរតែទាញយកអត្ថប្រយោជន៍ពីជម្លោះនៅមជ្ឈិមបូព៌ា ដែលអ៊ីរ៉ង់បញ្ឈប់ការដឹកជញ្ជូនទំនិញនៅច្រកសមុទ្រ Hormuz ជាចំណុចដឹកជញ្ជូនប្រេងដ៏សំខាន់មួយរបស់ពិភពលោក។ ច្រកសមុទ្រនេះដឹកជញ្ជូនប្រេង និងឧស្ម័នធម្មជាតិរាវប្រហែលមួយភាគប្រាំទូទាំងពិភពលោក។

ប្រធានាធិបតីរុស្ស៊ីថ្លែងសុន្ទរកថានេះ ខណៈតម្លៃប្រេងហក់ឡើងលើសពី ១០០ ដុល្លារក្នុងមួយបារ៉ែលនៅថ្ងៃចន្ទ ឈានដល់កម្រិតកំពូលមិនធ្លាប់មាន ចាប់តាំងពីរុស្ស៊ីចាប់ផ្តើមការឈ្លានពានអ៊ុយក្រែនទ្រង់ទ្រាយធំក្នុងឆ្នាំ ២០២២៕

ប្រែសម្រួល៖ ណឺ មិនា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា