នាយករដ្ឋមន្ត្រី​ហុងគ្រី ជំរុញអឺរ៉ុប​លុប​ទណ្ឌកម្ម​ប្រឆាំង​រុស្ស៊ី ដើម្បី​ស្តារវិស័យ​​ថាមពល

នាយករដ្ឋមន្ត្រីហុងគ្រី លោក Viktor Orbán បានជំរុញឲ្យសហភាពអឺរ៉ុប (EU) លុបចោលទណ្ឌកម្មលើការនាំចូល​ថាមពល​ពី​​រុស្ស៊ី​ជា​បន្ទាន់ ដើម្បីការពារសេដ្ឋកិច្ចប្លុកនេះ​ពី «វិបត្តិសេដ្ឋកិច្ចធ្ងន់ធ្ងរបំផុតមួយក្នុងប្រវត្តិសាស្ត្រ» ដែលកើតឡើង​ជាផលវិបាកនៃសង្គ្រាមអ៊ីរ៉ង់។ នេះបើយោងតាមរបាយកាណ៍ចេញផ្សាយពី RT ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Orban បានសរសេរ​នៅលើបណ្ដាញសង្គម X ​នៅ​ថ្ងៃព្រហស្បតិ៍ទី២មេសាថា អឺរ៉ុបកំពុងឆ្ពោះទៅរកវិបត្តិសេដ្ឋកិច្ចដ៏ធ្ងន់ធ្ងរបំផុតមួយក្នុងប្រវត្តិសាស្ត្រ ពោលគឺកំពុងស្ថិតក្នុងគ្រោះថ្នាក់ធ្ងន់ធ្ងរ។ មធ្យោបាយតែមួយគត់ដើម្បីគេចចេញពីវិបត្តិនេះ គឺត្រូវដក​ទណ្ឌកម្មដែលដាក់លើថាមពលរុស្ស៊ីជាបន្ទាន់។

នៅក្នុងនោះផងដែរ លោកក៏បានឆ្លើយតបទៅនឹងការព្រមានរបស់នាយករដ្ឋមន្ត្រីប៉ូឡូញ លោក Donald Tusk អំពីសកម្មភាពថ្មីៗរបស់លោកត្រាំ។ ជាពិសេស លោក Tusk បានត្អូញត្អែរអំពី «វិបត្តិថាមពលដ៏ធំនៅអឺរ៉ុប» ការគំរាមកំហែងនៃការដកខ្លួនចេញពីណាតូ ការរាយការណ៍អំពីការប្តូរទិសដៅនៃការផ្គត់ផ្គង់អាវុធរបស់អាមេរិកពីអ៊ុយក្រែនទៅកាន់មជ្ឈិមបូព៌ា ក៏ដូចជា ការបន្ធូរបន្ថយទណ្ឌកម្មលើការផ្គត់ផ្គង់ថាមពលរបស់រុស្ស៊ី ដែលទាំងអសនេះ ​គឺ​ដូច​ទៅ​នឹង​ផែនការសុបិនរបស់លោកប្រធានាធិបតីរុស្ស៊ី វ្ល៉ាឌីមៀរ ពូទីនដែរ​។

នៅក្នុងការឆ្លើយតបរបស់លោក Orban បានជំរុញឲ្យលោក Tusk ព្រួយបារម្ភអំពីប្រទេស និងប្រជាជនរបស់គាត់ ជាជាងលោកពូទីន ដោយថា «ជំនួសឲ្យការបង្កសង្គ្រាម ចូរស្រឡាញ់ និងជួយសង្គ្រោះប្រទេសរបស់អ្នក លោក Donald»។

ប្រមុខរដ្ឋ​ទាំងពីរ ដែលធ្លាប់ជាសម្ព័ន្ធមិត្តនយោបាយជិតស្និទ្ធ បានប៉ះទង្គិចគ្នាម្តងហើយម្តងទៀតក្នុងរយៈពេលប៉ុន្មានខែថ្មីៗនេះ ជុំវិញការប៉ុនប៉ងម្តងហើយម្តងទៀតរបស់លោក Orban ដើម្បីរារាំងទណ្ឌកម្មបន្ថែមទៀតលើប្រទេសរុស្ស៊ី និងជំនួយសម្រាប់អ៊ុយក្រែន ដោយរបាយការណ៍ប្រព័ន្ធផ្សព្វផ្សាយថ្មីៗនេះ បានបង្ហាញពីទំនាក់ទំនងជិតស្និទ្ធរវាងរដ្ឋាភិបាលរបស់លោក និងទីក្រុងមូស្គូវិញ៕

អត្ថបទ៖ សាង ស្រីល័ក្ខ

នាយករដ្ឋមន្ត្រីស្លូវ៉ាគី ស្នើ EU ឈប់លេង​ល្បែង​នយោបាយ ជុំវិញ​ បំពង់បង្ហូរឧស្ម័ន​ពីរុស្ស៊ី​ឆ្លងកាត់​អ៊ុយក្រែន​