ព័ត៌មានអន្ដរជាតិ

បាញ់ប្រហារមួយនៅប្រេស៊ីលសម្លាប់មនុស្ស២៥នាក់យប់មិញ

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

យ៉ាងហោចណាស់ មនុស្ស២៥នាក់ក្នុងនោះមានប៉ូលិសម្នាក់ផងត្រូវបានសម្លាប់ក្នុងការបាញ់ប្រហារមួយនៅទីក្រុងរីយ៉ូដឺហ្សាណេរ៉ូ ប្រទេសប្រេស៊ីល កាលពីយប់មិញ។

យោងតាមសារព័ត៌មានក្នុងស្រុកបានផ្សាយថា ការបាញ់ប្រហារបានកើតមានឡើងនៅពេលកម្លាំងប៉ូលិសបានបើកប្រតិបត្តិការបង្ក្រាបទៅលើអគារនៅតំបន់ Jacarezinho នៃទីក្រុងសំខាន់មួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានបើកប្រតិបត្តិការបន្ទាប់ពីទទួលបានដំណឹងថា ក្រុមឈ្មួញគ្រឿងញៀនបានកំពុងជ្រើសរើសកុមារសម្រាប់ក្រុមទំនើងរបស់ពួកគេ។ អ្នកដំណើរ២នាក់នៅលើរថភ្លើងក្រោមដីបានត្រូវគ្រាប់កាំភ្លើង ប៉ុន្តែមិនគ្រោះថ្នាក់ដល់អាយុជីវិតទេ។

ប៉ូលិសនៅទីក្រុងរីយ៉ូដឺហ្សាណេរ៉ូបានបញ្ជាក់ថា មន្ត្រីប៉ូលិសម្នាក់គឺឈ្មោះ Andre Leonardo de Mello Frias បានបាត់បង់ជីវិតក្នុងប្រតិបត្តិការបង្ក្រាបនេះ។

លោកអធិការប៉ូលិស Ronaldo Oliveira បានប្រាប់ថា ការវាយឆ្មក់នៅថ្ងៃព្រហស្បតិ៍នេះគឺជាចំនួនស្លាប់ច្រើនបំផុតនៅក្នុងប្រតិបត្តិការមួយនៅទីក្រុងមួយនេះ។

យោងតាមសារព័ត៌មានក្នុងស្រុកបានផ្សាយថា ក្រុមក្មេងទំនើងដែលជាគោលដៅក្នុងវាយឆ្មក់នេះពាក់ព័ន្ធនឹងការជួញដូរគ្រឿងញៀន ប្លន់ ឃាតកម្ម និងចាប់ជំរឹត។ តាមរូបភាពទូរទស្សន៍បង្ហាញពីជនសង្ស័យព្យាយាមគេចខ្លួននៅលើដំបូលផ្ទះ នៅពេលដែលប៉ូលិសបានចូលទៅដល់អគារនោះ។

ជាមួយគ្នានេះ អ្នកភូមិន Jacarezinho បានផុសរូបភាពមួយសន្លឹកនៅគណនី Facebook របស់គាត់ដែលបង្ហាញនៅលើដំបូលផ្ទះប្រឡាក់ដោយឈាម និងនិយាយថា មនុស្ស២នាក់បានស្លាប់នៅផ្ទះគាត់ នៅពេលប៉ូលិសបានធ្វើការបង្ក្រាបឩក្រិដ្ឋកម្មនេះ។ គាត់ថា គាត់នឹងលក់ផ្ទះរបស់គាត់ចេញឲ្យបានលឿនបំផុត៕