ព័ត៌មានអន្ដរជាតិ
ក្រោយឲ្យក្រុមហាម៉ាស ឈប់បាញ់គ្រាប់រ៉ុកកែត ហើយគាំទ្រអ៊ីស្រាអែល ប្រធានាធិបតីអាមេរិក និយាយបែបត្រជាក់ថា ប្រជាជនសមនឹងរស់នៅដោយសុវត្ថិភាព និងសន្តិសុខ
ប្រធានាធិបតីអាមេរិកលោក Joe Biden បាននិយាយពី អំពើហិង្សាដែលកំពុងកើតមាន រវាងយោធាអ៊ីស្រាអែល និងប៉ាឡេស្ទីន នៅក្នុងវីដេអូមួយនាថ្ងៃឈប់សម្រាក នៃបុណ្យសាសនាឥស្លាម Eid ។
ដោយអង្គុយក្បែរជំទាវទី ១ លោក Biden បាននិយាយថា “ប្រជាជនប៉ាឡេស្ទីន និងអ៊ីស្រាអែល ក៏សមនឹងទទួលបានការរស់នៅ ប្រកបដោយសុវត្ថិភាព និងសន្តិសុខផងដែរ” ។
លោកប្រធានាធិបតី បាននិយាយថា “រដ្ឋបាលរបស់ខ្ញុំ នឹងបន្តចូលរួមជាមួយប៉ាឡេស្ទីន អ៊ីស្រាអែល និងដៃគូក្នុងតំបន់ផ្សេងទៀត ដើម្បីធ្វើការឆ្ពោះទៅរកភាពស្ងប់ស្ងាត់ ប្រកបដោយចីរភាព” ។
ដំបូងឡើយ រដ្ឋបាលលោក Biden បានសន្យាថា នឹងធ្វើឲ្យជម្លោះមួយនេះ កាន់តែធំឡើង ស្របពេលដែលមានការអះអាង គាំទ្រដល់អ៊ីស្រាអែល ។
ទន្ទឹមនោះ យោងតាមការចុះផ្សាយ ដោយសារព័ត៌មានជប៉ុន NHK កាលពីថ្ងៃអាទិត្យ បានឲ្យដឹងថា ប្រធានាធិបតីអាមេរិកលោក Joe Biden បានសង្កត់ធ្ងន់លើក្រុមឥស្លាមជ្រុលនិយម ហាម៉ាស ដើម្បីបញ្ឈប់ការបាញ់គ្រាប់រ៉ុកកែត ចូលទឹកដីអ៊ីស្រាអែល នៅក្នុងការហៅទូរស័ព្ទលើកដំបូងរបស់លោក ចាប់តាំងពីបានចូលកាន់តំណែងជាប្រធានាធិបតី ទៅកាន់ប្រធានាធិបតីប៉ាឡេស្ទីនលោក Mahmoud Abbas ។
នៅថ្ងៃដដែលនោះលោក Biden ក៏បានពិភាក្សា ជាមួយនាយករដ្ឋមន្រ្តីអ៊ីស្រាអែលលោក Benjamin Netanyahu តាមទូរស័ព្ទផងដែរ ។ សេចក្តីថ្លែងការណ៍មួយទៀត របស់សេតវិមាននិយាយថា លោក Biden បានថ្កោលទោស ចំពោះការវាយប្រហារដោយឥតរើសមុខ ប្រឆាំងនឹងអ៊ីស្រាអែល និងបានបញ្ជាក់ជាថ្មី នូវការគាំទ្រយ៉ាងខ្លាំងរបស់លោក ចំពោះសិទ្ធិរបស់អ៊ីស្រាអែលក្នុងការការពារខ្លួន ប្រឆាំងនឹងការវាយប្រហារដោយគ្រាប់រ៉ុកកែត ពីក្រុមហាម៉ាស ។
គួរបញ្ជាក់ថា គិតត្រឹមពេលនេះ អ៊ីស្រាអែល បានវាយប្រហារតាមអាកាសលើទីតាំងតំបន់ហ្គាហ្សាជាង ១,៥០០ កន្លែង និងស្លាប់មនុស្សចំនួន ១៩៧ នាក់ ក្នុងនោះមានកុមារ ៥៨ នាក់ ខណៈមានអ្នករងរបួស ១,២៣៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន