ព័ត៌មានអន្ដរជាតិ
សម្ដែងការគាំទ្រដល់បទឈប់បាញ់គ្នានៅតំបន់ហ្គាហ្សា តែ ប្រធានាធិបតីអាមេរិក ចុះហត្ថលេខាលក់អាវុធទៅឲ្យ អ៊ីស្រាអែល
យោងតាមរបាយការណ៍ ដែលបានចេញផ្សាយកាលពីថ្ងៃចន្ទ បានឲ្យដឹងថា រដ្ឋបាលលោក ចូ បៃដិន បានយល់ព្រមលើការលក់អាវុធ ក្នុងទំហំទឹកប្រាក់ចំនួន ៧៣៥ លានដុល្លារ ទៅឲ្យអ៊ីស្រាអែល ចំពេលការវាយប្រហារកំពុងបន្តរបស់ទីក្រុង Tel Aviv ទៅលើតំបន់ហ្គាហ្សាស្ទ្រីប ។
កាសែត Washington Post បានរាយការណ៍ថា ការសម្រេចចិត្តយល់ព្រម លើការលក់អាវុធនេះ ត្រូវបានធ្វើឡើងយូរមកហើយ ពោលកាលពីថ្ងៃទី ៥ ខែឧសភា ប្រហែលមួយសប្តាហ៍ មុនពេលអំពើហិង្សាកាន់តែកើនឡើង ។
ម្យ៉ាងវិញទៀត ការអនុម័តនេះបានធ្វើឡើង ចំពេលមានការរិះគន់កាន់តែខ្លាំងឡើង ចំពោះការបណ្តេញប្រជាជនប៉ាឡេស្ទីន តាមការគ្រោងទុករបស់អ៊ីស្រាអែល ចេញពីទីក្រុង East Jerusalem និងការវាយឆ្មក់ម្តងហើយម្តងទៀត លើវិហារឥស្លាម Al-Aqsa ដែលជាទីសក្ការៈទី ៣ របស់សាសនាឥស្លាម ។
ទន្ទឹមនោះ ការសម្រេចឲ្យមានភ្លើងខៀវ សម្រាប់ការលក់អាវុធ ដែលភាគច្រើនជាអាវុធយុទ្ធសាស្រ្ត វាយប្រហារដោយផ្ទាល់ បានធ្វើឲ្យមានការប្រឆាំងក្នុងចំណោមសមាជិកមួយចំនួន នៃគណបក្សប្រជាធិបតេយ្យរបស់ប្រធានាធិបតីអាមេរិក លោក ចូ បៃដិន រួមទាំងសមាជិកសភាលោកស្រី Ilhan Omar ផងដែរ ដោយសារតែចំនួនអ្នកស្លាប់ ពីការវាយប្រហារតំបន់ហ្គាហ្សារបស់អ៊ីស្រាអែល នៅតែបន្តកើនឡើង ។
បន្ថែមពីនេះ ការអនុម័តលក់អាវុធទៅឲ្យអ៊ីស្រាអែល ក៏បានធ្វើឡើង បន្ទាប់ពីសេតវិមានបានឲ្យដឹងថា លោកប្រធានាធិបតីសហរដ្ឋអាមេរិក ចូ បៃដិន បានសម្តែងការគាំទ្រ ចំពោះបទឈប់បាញ់គ្នានៅតំបន់ហ្គាហ្សា អំឡុងពេលលោកហៅទូរសព្ទលើកទី ២ ទៅកាន់នាយករដ្ឋមន្ត្រីអ៊ីស្រាអែលលោក Benjamin Netanyahu កាលពីថ្ងៃចន្ទ ។
គិតត្រឹមពេលនេះ យ៉ាងហោចណាស់ ប្រជាជនប៉ាឡេស្ទីនចំនួន ២១២ នាក់ត្រូវបានសម្លាប់ រួមទាំងកុមារ ៦១ នាក់ផងដែរ នៅក្នុងការវាយប្រហាររបស់អ៊ីស្រាអែល ទៅលើតំបន់ហ្គាហ្សាស្ទ្រីប ចាប់តាំងពីសប្តាហ៍មុន ។ នេះបើយោងតាមក្រសួងសុខាភិបាលប៉ាឡេស្ទីន ដែលមានមូលដ្ឋាននៅតំបន់ហ្គាហ្សា ។
ស្របពេលជាមួយគ្នានេះ មនុស្សជាង ១១,៣០៥ នាក់បានរងរបួស ហើយអគាររាប់សិបត្រូវបានបំផ្លាញ ឬខូចខាតនៅក្នុងការវាយប្រហាររបស់អ៊ីស្រាអែល ខណៈនៅអ៊ីស្រាអែលវិញ មនុស្ស ១០ នាក់ក៏ត្រូវបានសម្លាប់ ដោយគ្រាប់រ៉ុកកែតរបស់ប៉ាឡេស្ទីន ពីតំបន់ហ្គាហ្សាស្ទ្រីបផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ព័ត៌មានជាតិ៩ ម៉ោង ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ចរាចរណ៍២២ ម៉ោង ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ២៤ ម៉ោង ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ១ សប្តាហ៍ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៦ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម