ព័ត៌មានអន្ដរជាតិ
នាយករដ្ឋមន្ត្រីអ៊ីស្រាអែល ថា ការវាយប្រហារកម្ទេចអគារសារព័ត៌មាន AP និង Al-Jazeera ក្នុងតំបន់ហ្គាហ្សា ជា “គោលដៅស្របច្បាប់”
នាយករដ្ឋមន្ត្រីអ៊ីស្រាអែល លោក Benjamin Netanyahu នៅថ្ងៃចន្ទនេះ បានចេញមកការពារ ការវាយប្រហារទៅលើ អគារខ្ពស់ត្រដែតមួយ ដែលជាការិយាល័យទីភ្នាក់ងារសារព័ត៌មានអន្តរជាតិ AP និងការិយាល័យសារព័ត៌មាន Al-Jazeera នៅតំបន់ហ្គាហ្សា ដោយនិយាយថា វាជា “គោលដៅស្របច្បាប់” ព្រោះវាបានធ្វើជាការិយាល័យ ស៊ើបការណ៍ភេរវជនប៉ាឡេស្ទីន ។
ថ្លែងទៅកាន់សារព័ត៌មាន CBS News លោក Netanyahu បាននិយាយថា “ការិយាល័យស៊ើបការណ៍សម្ងាត់ របស់អង្គការភេរវករប៉ាឡេស្ទីន មានទីតាំងនៅក្នុងអគារតំបន់ហ្គាហ្សា ដែលគ្រោងនឹងរៀបចំ ការវាយប្រហារភេរវកម្ម ប្រឆាំងនឹងជនស៊ីវិលអ៊ីស្រាអែល ។
លោកបានបន្ថែមថា “វាជាគោលដៅស្របច្បាប់ និងល្អឥតខ្ចោះ ហើយយោធាអ៊ីស្រាអែល បានចាត់វិធានការយ៉ាងប្រុងប្រយ័ត្ន ដើម្បីធានាថា គ្មានការរងរបួស និងស្លាប់របស់ជនស៊ីវិលជាដាច់ខាត” ។
ចំណែកសារព័ត៌មាន AP បាននិយាយថា អ៊ីស្រាអែលមិនបានផ្តល់ភស្ដុតាងណាមួយ នៃសកម្មភាពភេរវកម្មនៅក្នុងអគារ ដែលត្រូវបានកម្ទេច ដោយការវាយប្រហារតាមអាកាសនោះទេ ។
ទន្ទឹមនោះ អ្នកយកព័ត៌មានរបស់ Al Jazeera ពីតំបន់ហ្គាហ្សា ដែលបានធ្វើការពីអគារ ដែលត្រូវបានបំផ្លាញ អស់រយៈពេលជាង ១០ ឆ្នាំមកហើយនោះ ក៏បាននិយាយដែរថា គាត់មិនដែលឃើញអ្វី ដែលគួរឲ្យសង្ស័យ ឬទិដ្ឋភាពយោធា ឬក្រុមអ្នកប្រយុទ្ធ សូម្បីតែចូល និងចេញពីអគារនោះទេ ។
បន្ទាប់ពីការវាយប្រហារតាមអាកាស របស់អ៊ីស្រាអែល និពន្ធនាយករបស់សារព័ត៌មាន AP បានអំពាវនាវឲ្យមានការស៊ើបអង្កេតឯករាជ្យមួយ ទៅលើការវាយប្រហារ ដែលបានកំណត់គោលដៅ និងបំផ្លាញអគារក្នុងតំបន់ហ្គាហ្សា ដោយនិយាយថា សាធារណជនគួរតែដឹងអំពី មូលហេតុជាក់លាក់ណាមួយ ។
គួរបញ្ជាក់ថា គិតត្រឹមពេលនេះ នៅតំបន់ហ្គាហ្សាស្ទ្រីប យ៉ាងហោចណាស់ មនុស្សជាង ២០០ នាក់ ក្នុងនោះមានកុមារ ៥៨ នាក់ត្រូវបានសម្លាប់ ខណៈមានអ្នករងរបួស ១,២៣៥ នាក់ នៅក្នុងការវាយប្រហារតាមអាកាសរបស់អ៊ីស្រាអែល ចាប់តាំងពីអំពើហិង្សាបានចាប់ផ្តើមកាលពីថ្ងៃទី១០ ខែឧសភា ៕
ប្រែសម្រួលដោយ ៖ ជីវ័ន្ត
ប្រភព ៖ Republic World
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)