ព័ត៌មានអន្ដរជាតិ
ពលរដ្ឋហ្វីលីពីនមួយចំនួនជឿលើការព្យាបាលកូវីដដោយខ្ញី ទឹកឃ្មុំ
ប្រជាពលរដ្ឋហ្វីលីពីនមួយចំនួននៅតែមានជំនឿលើការព្យាបាលជំងឺកូវីដ-១៩ដោយខ្ញី ទឹកឃ្មុំ និងក្រូចឆ្មាជាដើមដែលបានធ្វើឲ្យប្រទេសនេះមានអ្នកស្ទាក់ស្ទើរទៅចាក់វ៉ាក់រហូតដល់៦៨%ក្នុងការទៅចាក់វ៉ាក់សាំង។
តាមការស្ទង់មតិរបស់ស្ថានីយ៍បរិយាកាសសង្គម (SWS) បានធ្វើលើមនុស្ស១២០០នាក់នៅខែឧសភានេះ អ្នកឆ្លើយតប៦៨%គឺមិនច្បាស់លាស់ ឬគ្មានឆន្ទៈចាក់វ៉ាក់សាំងទេ។ កង្វល់ដ៏ធំបំផុតរបស់ពួកគេគឺអាចមានផលប៉ះពាល់ ឬថា ពួកគេអាចនឹងស្លាប់ដោយសារវ៉ាក់សាំង។
ជាពិសេសប្រជាជនមួយចំនួននៅជាប់អារម្មណ៍នឹងបទពិសោធកាលពីឆ្នាំ ២០១៧ នៅហ្វីលីពីនបានបញ្ឈប់ការចាក់វ៉ាក់សាំងទ្រង់ទ្រាយធំមួយ បន្ទាប់ពីក្រុមហ៊ុនផលិតវ៉ាក់សាំងបារាំង Sanofi Pasteur បានរកឃើញថា វ៉ាក់សាំងការពារជំងឺគ្រុនឈាម Dengvaxia របស់ខ្លួនមានផលវិបាកដោយអចេតនាដល់អ្នកជំងឺដែលមិនធ្លាប់បានចាក់វ៉ាក់សាំងការពារជំងឺនេះ។
ឥឡូវនេះ មន្ត្រី និងបុគ្គលិកសុខាភិបាលហ្វីលីពីនបានកំពុងផ្សព្វផ្សាយដើម្បីឲ្យសាធារណជនកាន់តែមានជំនឿចិត្តលើវ៉ាក់សាំងការពារកូវីដ-១៩។
ប៉ុន្តែលោកវេជ្ជបណ្ឌិត Mike Marasigan មន្ត្រីវេជ្ជសាស្ត្រនៅនាយកដ្ឋានសុខាភិបាលទីក្រុង Quezon បានលើកឡើងថា ក្រុមដែលពិបាកឈានទៅដល់គឺសហគមន៍ក្រក្រី។
លោកថា ៖«យើងជួបការលំបាកនឹងក្រុមមនុស្សដែលធ្លាប់បានបាក់ទឹកចិត្ត។ ពួកគាត់ក៏ជាកង្វល់របស់យើងដែរនៅពេលយើងសួរព័ត៌មានពាក់ព័ន្ធនឹងរោគសញ្ញា។ យើងរឹតតែពិបាកបញ្ចុះបញ្ចូលពួកគេឲ្យទៅចាក់វ៉ាក់សាំងថែមទៀត»។
ស្ត្រីចូលនិវត្តរ៍ឈ្មោះ Letty Zambrona អាយុ៦៥ឆ្នាំនៅតំបន់ Paranaque ក្នុងទីក្រុងម៉ានីល បានប្រាប់ថា គាត់នឹងមិនចាក់វ៉ាក់សាំងទេ ទោះជាគាត់ស្ថិតក្នុងក្រុមមនុស្សងាយរងគ្រោះក៏ដោយ ហើយគាត់មានជំងឺទឹកនោមផ្អែម និងលើសឈាមថែមទៀត។
អ្នកស្រី Zambrona មានប្រសាសន៍ថា ៖«វាពិតជាមានផលប៉ះពាល់មែនដែលខ្ញុំមិនចង់ចាក់វ៉ាក់សាំង។ ពីព្រោះខ្ញុំបានឮតាមទូរទស្សន៍ ដូចជាកើតមានឈាមកកក្នុងខួរក្បាល»។
អ្នកស្រីបានឲ្យដឹងថា ប្តីរបស់អ្នកស្រីក៏មានអារម្មណ៍ដូចគាត់ដែរ ហើយពួកគាត់សុខចិត្តប្រើថ្នាំបុរាណប្រសើរជាង។
អ្នកស្រី Zambrona មានប្រសាសន៍ថា ៖«យើងគ្មានការព្រួយបារម្ភទេ បើយើងមានរោគសញ្ញានោះភ្លាមៗ។ តាមពិតទៅ វាប្រសើរជាង ព្យាបាលដោយខ្ញី ក្រូចឆ្មា ទឹកឃ្មុំ ដែលទាំងអស់អាចជាបាន»។
លោក Marasigan បានបញ្ជាក់ថា ជនជាតិហ្វីលីពីនមួយចំនួនគិតថា កូវីដ-១៩នឹងមិនឆ្លងពួកគាត់ទេ។ នៅពេលពួកគេបានជួបនឹងអាកាសធាតុផ្សេងៗ ដូចជាធាតុអាកាសពុល និងអ្វីគ្រប់យ៉ាង ពួកគេគិតថាជាប្រព័ន្ធភាពស៊ាំការពារ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម