រហូតដល់ទៅ៧៥ភាគរយ នៃករណីឆ្លងថ្មីនៅចក្រភពអង់គ្លេស អាចជាវីរុសបំប្លែងខ្លួនឥណ្ឌា

រដ្ឋមន្រ្តីក្រសួងសុខាភិបាលអង់គ្លេស លោក Matt Hancock បាននិយាយថា រហូតដល់ទៅ៣ភាគ៤ នៃករណីកូវីដថ្មីក្នុងចក្រភពអង់គ្លេស អាចជាវីរុសបំប្លែងខ្លួនឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យរបស់សេវាសុខភាពសាធារណៈអង់គ្លេស (PHE) បានបង្ហាញថា ករណីនៃវីរុសបំប្លែងខ្លួននេះ បានកើនឡើងពី ៣,៥៣៥ករណី ទៅ ៦,៩៥៩ករណី ចាប់តាំងពីសប្តាហ៍មុនមក។

លោក Hancock បានប្រាប់សន្និសីទសារព័ត៌មានខ្លីមួយថា រដ្ឋាភិបាលបានគិតទុកជាមុនរួចទៅហើយថា នឹងមានករណីកើនឡើងខ្លាំង ដោយសារតែការរឹតត្បិតត្រូវបានបន្ធូរបន្ថយ។

ប៉ុន្តែលោកនិយាយថា វាមានសារៈសំខាន់ខ្លាំងណាស់ ក្នុងការឃ្លាំមើលទំនាក់ទំនង រវាងករណីឆ្លងនិងការចូលព្យាបាលក្នុងមន្ទីរពេទ្យ។

កាលពីថ្ងៃព្រហស្បតិ៍ មានករណីឆ្លងវីរុសកូវីដ-១៩ ចំនួន៣,៥៤២ករណី និងការស្លាប់១០នាក់បន្ថែមទៀត ត្រូវបានគេរាយការណ៍នៅក្នុងចក្រភពអង់គ្លេស។

វាជាថ្ងៃទីពីរជាប់ៗគ្នាហើយ ដែលចំនួនករណីកូវីដថ្មី បានកើនលើស៣,០០០ករណី។

ទិន្នន័យ PHE បានរកឃើញថា តំបន់ដែលរងផលប៉ះពាល់អាក្រក់បំផុតគឺមានដូចជា Bolton, Bedford និង Blackburn។ ទោះបីជាយ៉ាងណាក៏ដោយ PHE បានបន្ថែមថា មានករណីមួយចំនួនតូចប៉ុណ្ណោះនៃវីរុសបំប្លែងខ្លួននេះ នៅតំបន់ភាគច្រើននៃប្រទេស៕

ប្រែសម្រួល៖ Vann Vann

ប្រភព៖ BBC

ចុចអាន៖ អបអរកូវីដនៅ ម៉ិកស៊ិកជិត រលត់ ហើយ មេ ដឹក នាំ មិន បារម្ភ ផ្ទុះធំ ទៀត ទេ