កូវីដ-១៩
អបអរកូវីដនៅម៉ិកស៊ិកជិតរលត់ហើយ មេដឹកនាំមិនបារម្ភផ្ទុះធំទៀតទេ
អ្នកជំនាញបាននិយាយថា ការធ្លាក់ចុះករណីឆ្លងកូវីដ-១៩ថ្មីជាលំដាប់ និងកម្រិតភាពស៊ាំពីវ៉ាក់សាំងកំពុងកើនឡើងបានជំរុញឲ្យគ្រោះថ្នាក់នៃកូវីដ-១៩ជិតឈានដល់ចុងបញ្ចប់នៅប្រទេសម៉ិកស៊ិកហើយ។
ភាពល្អប្រសើរបាននាំឲ្យមានការបន្ធូរបន្ថយវិធានការរឹតត្បិត និងបំរាមបន្តិចៗម្តងដែលបានត្រួយត្រាផ្លូវឲ្យសិស្សអាចវិលចូលសាលារៀនវិញ ហើយអ្នកទស្សនាក៏ចូលមើលព្រឹត្តិការណ៍កីឡាបាន។
អ្នកដឹកនាំយុទ្ធនាការណ៍ប្រយុទ្ធប្រឆាំង លោក Alejandro Macias ដែលជាអ្នកដឹកនាំការប្រយុទ្ធនឹងជំងឺឆ្លងផ្តាសាយជ្រូកកាលពីឆ្នាំ២០០៩ បាននិយាយថា ៖«មើលឃើញក្តីសង្ឃឹមហើយ»។
លោកថា រលកធំនៃការឆ្លងទូទាំងប្រទេសទៀត ឥឡូវនេះហាក់ដូចជាមិនទំនងទេ បើទោះជានៅមានហានិភ័យនៃការផ្ទុះមានកម្រិតនៅតាមតំបន់ដែលមានប្រព័ន្ធភាពស៊ាំតិចតូចក៏ដោយ។
ករណីស្លាប់ដោយកូវីដ-១៩នៅប្រទេសម៉ិកស៊ិកសរុបមានជាង ២២២ ០០០នាក់គឺស្ថិតនៅចំណាត់ថ្នាក់លេខ៤ក្នុងពិភពលោក ហើយរដ្ឋាភិបាលទទួលស្គាល់ថា តួលេខពិតប្រាកដប្រហែលជាងខ្ពស់ជាងនេះ។
យោងតាមទិន្នន័យនៃការស្លាប់ដែលចេញដោយរដ្ឋាភិបាលបង្ហាញថា ករណីស្លាប់ពាក់ព័ន្ធនឹងកូវីដ-១៩ត្រូវបានប៉ាន់ស្មានថាជាង ៣៣៧ ០០០នាក់ គិតត្រឹមថ្ងៃទី១៥ ខែមីនា។
ប៉ុន្តែ បន្ទាប់ពីមានករណីឆ្លងកើនឡើងក្នុងខែមករា ករណីស្លាប់ និងអ្នកឆ្លងថ្មីចូលមន្ទីរពេទ្យឥឡូវនេះបានធ្លាក់ចុះ២០សប្តាហ៍ជាប់គ្នា។
«កូវីដ-១៩នៅតែបន្តថយចុះកម្លាំងជាលំដាប់» នេះជាប្រសាសន៍របស់លោកប្រធានាធិបតី Andres Manuel Lopez Obrador និងបន្ថែមថា មិនមានហេតុផលណាដែលត្រូវខ្លាចការផ្ទុះឡើងសាថ្មីទ្រង់ទ្រាយធំទេ។
ភាពស៊ាំទទួលបានពីវ៉ាក់សាំង
កាលពីថ្ងៃទី២០ ខែមករា ប្រទេសម៉ិកស៊ិកមានករណីស្លាប់ដោយកូវីដ-១៩ប្រចាំថ្ងៃខ្ពស់បំផុតគឺចំនួន១៨០០នាក់ ខណៈការស្លាប់ជាមធ្យមក្នុងមួយថ្ងៃចំនួន ១១៨០នាក់ក្នុងពេលមួយសប្តាហ៍មុនថ្ងៃទី២០ ខែមករា។ ឥឡូវនេះបានធ្លាក់មកនៅជាមធ្យមប្រហែល២០០នាក់ក្នុងមួយថ្ងៃ។
លោក Macias លើកឡើងថា ៖«មនុស្សច្រើនណាស់បានឆ្លងវីរុសនេះ និងមានភាពស៊ាំហើយ។ មនុស្សតិចណាស់ដែលអាចមានឱកាសឆ្លង»។
កត្តាសំខាន់មួយទៀតដែលមានហានិភ័យខ្ពស់បំផុតសម្រាប់ក្រុមមនុស្សវ័យចំណាស់អាយុ៦០ឆ្នាំឥឡូវនេះបានចាក់វ៉ាក់សាំងអស់ហើយ។
នៅខែឧសភានេះ រដ្ឋាភិបាលម៉ិកស៊ិកក៏បានចាប់ផ្តើមចាក់វ៉ាក់សាំងដល់មនុស្សអាយុ៥០ទៅ៥៩ឆ្នាំ និងរំពឹងថា ការផ្គត់ផ្គង់វ៉ាក់សាំងកាន់តែច្រើនឡើងនៅសប្តាហ៍ខាងមុខ។
កាលពីថ្ងៃព្រហស្បតិ៍ ទី២៧ ខែឧសភា និយតករសុខភាពម៉ិកស៊ិកបានបន្ថែមវ៉ាក់សាំ Johnson & Johnson នៅក្នុងបញ្ជីវ៉ាក់សាំងអនុម័តសម្រាប់ការប្រើប្រាស់បន្ទាន់។
លោក Macias ឲ្យដឹងថា ៖«ទោះជាវ៉ាក់សាំងឥឡូវនេះយឹតយាវ វាក៏បានបន្ថែមភាពស៊ាំបន្តិចៗម្តង»។
រដ្ឋាភិបាលម៉ិកស៊ិកគ្រោងចាក់វ៉ាក់សាំងដល់មនុស្សទាំងអស់ដែលមានអាយុ១៨ឆ្នាំឡើងត្រឹមខែតុលាខាងមុខនេះ។
យោងតាមក្រសួងសុខាភិបាលបានឲ្យដឹងថា រហូតដល់ពេលនេះ ប្រជាជនជាង២០លាននាក់ ឬស្មើនឹង២២%នៃមនុស្សធំពេញវ័យបានចាក់វ៉ាក់សាំងហោចណាស់១ដូស និងប្រហែលជា១២លាននាក់បានចាក់វ៉ាក់សាំងដូសទាំងពីររួចរាល់។
កត្តាផ្សេងទៀតអាចបណ្តាលមកពីសហរដ្ឋអាមេរិកបានចាក់វ៉ាក់សាំងទ្រង់ទ្រាយធំ ដូច្នេះអាចជួយឲ្យប្រទេសម៉ិកស៊ិកកាន់តែមានអំណោយផលក្នុងការកាត់បន្ថយចម្លងតាមព្រំដែន៕
ប្រែសម្រួល៖ វីរបុត្រ
ប្រភព៖ AFP
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ