Connect with us

ព័ត៌មានអន្ដរជាតិ

អាមេរិក​នឹង​ផ្តល់​វ៉ាក់សាំង​៨០​លាន​ដូស​ដល់​ប្រទេស​អាទិភាព​មាន​ទាំង​អាស៊ាន​ផង​

បានផុស

នៅ

លោក​ប្រធានាធិបតី​អាមេរិក ចូ បៃដិន នៅ​ថ្ងៃព្រហស្បតិ៍ ទី​៣ ខែ​មីនា បាន​បញ្ជាក់​ពី​ផែន​ការ​របស់​លោក​សម្រាប់​ការ​ចែក​វ៉ាក់សាំង​ការពារ​កូវីដ-១៩​ចំនួន​៨០​លាន​ដូស​ដំបូង​​​ជា​ការ​បែង​​​សកល​របស់​អាមេរិក​ស្មើ​នឹង​៧៥​%​នៃ​វ៉ាក់សាំង​តាម​រយៈ​កម្មវិធី COVAX។

ក្នុង​ក្រដាស​កំណត់​ហេតុ​មួយ សេតវិមាន​បាន​និយាយ​ថា វ៉ាក់សាំង​ដែល​​​ចែក​តាម​រយៈ​កម្មវិធី COVAX រដ្ឋាភិបាល​ទី​ក្រុង​វ៉ាស៊ីនតោន​​ផ្តល់​អាទិភាព​​​ដល់​​ប្រទេស​អាមេរិកឡាទីន និង​ការាប៊ីន អាស៊ី​ខាង​ត្បូង អាស៊ី​អាគ្នេយ៍ និង​អាហ្វ្រិក ដែល​នេះ​ជា​គោល​បំណង​ជួយ​ទប់​ស្កាត់​ការ​រាល​ដាល​កូវីដ-១៩។

លោក បៃដិន មាន​ប្រសាសន៍​ក្នុង​សេចក្តី​ថ្លែង​ការណ៍​ថា ៖«យើងនឹង​ចែក​វ៉ាក់សាំង​នេះ​មិន​មែន​ដើម្បី​ធានា ឬ​ទាញ​យក​សម្បទាន​ឡើយ។ យើង​នឹង​ចែក​វ៉ាក់សាំង​ទាំង​នេះ​ដើម្បី​រក្សា​អាយុជីវិត និង​​ដឹក​នាំ​ពិភព​លោក​​ដើម្បី​ឈាន​ឆ្ពោះ​ទៅ​បញ្ចប់​ជំងឺ​កូវីដ-១៩ តាម​រយៈ​អំណាច​នៃ​គំរូ​ និង​តម្លៃ​របស់​យើង»។

លោក​ប្រធានាធិបតី ចូ បៃដិន
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតី បៃដិន ធ្លាប់​បាន​សន្យា​ពី​មុន​ពី​ការ​ចែក​វ៉ាក់សាំង​កូវីដ-១៩​ចំនួន​៨០​លាន​ដូស​ទៅ​កាន់​បណ្តាប្រទេស​ទូទាំង​ពិភព​លោក​នូវ​បំណាច់​ខែ​នេះ។

ការ​ប្តេជ្ញា​ចិត្ត​នេះ​​កើត​​ឡើង​ចំពេល​​មាន​​សម្ពាធ​ពី​រដ្ឋាភិបាលដទៃ​​ក្នុង​ការ​ប្រើ​ប្រាស់​អតិរេក​វ៉ាក់សាំង​​ដ៏​ច្រើន​របស់​សហរដ្ឋ​អាមេរិក​ដើម្បី​ជួយ​ដល់​ប្រទេស​ដែលកំពុង​លំបាក​ដែល​ឥឡូវ​នេះ​មាន​ការរីក​ចម្រើន​គួរ​ឲ្យ​កត់​សំគាល់​​​ពី​កម្មវិធី​ចាក់​វ៉ាក់សាំង។

អ្នក​សម្រប​សម្រួល​​ក្នុង​ការ​ឆ្លើយ​តប​កូវីដ-១៩​នៅ​សេតវិមាន លោក Jeff Zients  បាន​ឲ្យ​ដឹង​ថា ៖«ដំណើរ​ការ​នាំ​ចេញ​វ៉ាក់សាំង​​២៥​លាន​ដូស​ដំបូង​កំពុង​ធ្វើ។​ យើង​នឹង​នាំចេញ​នូវ​វ៉ាក់សាំង​ទាំង​​៨០​លាន​ដូស​តាម​ការ​ប្តេជ្ញា​ចិត្ត​របស់​លោក​​ប្រធាធិបតី​ឲ្យ​បាន​​នូវ​​បំណាច់​​ខែ​មិថុនា​នេះ»៕

ប្រែ​សម្រួល៖ វីរបុត្រ
ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៣ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៣ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម