ព័ត៌មានអន្ដរជាតិ

វ៉ាក់សាំងកូវីដមានសុវត្ថិភាពខ្លាំងចំពោះកុមារ និងជាផ្លូវត្រួសត្រាយទៅរកសភាពដូចដើមវិញ

បានផុស

៣ years មុន

នៅ

ថ្ងៃអង្គារ ១៥ មិថុនា ២០២១

ដោយ

អ្នកជំនាញនិយាយថា ឪពុកម្ដាយត្រូវដឹងថាការចាក់វ៉ាក់សាំងការពារកូវីដ គឺមានសុវត្ថិភាពនិងមានប្រសិទ្ធភាពសម្រាប់ក្មេងអាយុ ១២ ឆ្នាំឡើងទៅ។ ខណៈពេលដែលវ៉ាក់សាំង Pfizer ត្រូវបានអនុម័តនៅសហរដ្ឋអាមេរិក សម្រាប់ការប្រើប្រាស់ជាបន្ទាន់ក្នុងក្រុមអាយុនេះ ឪពុកម្ដាយត្រូវតែដឹងពីបញ្ហាមួយនេះ ហើយជួយណែនាំកូនៗគ្រប់គ្នាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីវេជ្ជបណ្ឌិត Jessica Ericson គ្រូពេទ្យកុមារនៃជំងឺឆ្លងនៅមន្ទីរពេទ្យសុខភាពរដ្ឋ Penn រដ្ឋ Hershey និយាយថា “ វ៉ាក់សាំងទាំងនេះបានឆ្លងកាត់ការសិក្សាយ៉ាងម៉ត់ចត់ ហើយត្រូវបានគេរកឃើញថាមានសុវត្ថិភាព។ ខ្ញុំដឹងថាប្រជាជនមានការព្រួយបារម្ភអំពីផលប៉ះពាល់រយៈពេលវែង ចាប់តាំងពីវ៉ាក់សាំងបានសាកល្បងក្នុងរយៈពេល ៩ ខែទៅមួយឆ្នាំ។ ប៉ុន្តែផលប៉ះពាល់ភាគច្រើន កើតឡើងក្នុងរយៈពេលពីរបីថ្ងៃដំបូងប៉ុណ្ណោះ” ។

ផលប៉ះពាល់ដែលអាចកើតមានចំពោះកុមារ គឺដូចគ្នានឹងមនុស្សពេញវ័យដែរ។ ពួកគេរួមមានគ្រុនក្ដៅទាប ឈឺចាប់ រាងកាយអស់កម្លាំង និងឈឺចាប់នៅកន្លែងចាក់ថ្នាំ។ ប្រសិនបើកុមារមានរោគសញ្ញាដែលមានរយៈពេលលើសពីពីរថ្ងៃ ដូចជាក្ដៅខ្លួន ៣៨. ៨អង្សារសេ ឬខ្ពស់ជាងនេះ ឪពុកម្ដាយគួរតែទូរស័ព្ទទៅក្រុមគ្រូពេទ្យឬនាំគេទៅមន្ទីរពេទ្យ។

លោកស្រី Ericson បន្ថែមថា វ៉ាក់សាំងនេះមានសុវត្ថិភាពសម្រាប់កុមារដែលមានអាឡ័កស៊ីឬស្ថានភាពសុខភាពរ៉ាំរ៉ៃ ហើយមានសុវត្ថិភាពក្នុងការផ្ដល់ថ្នាំបង្ការកុមារដទៃទៀត។ ការសាកល្បងវ៉ាក់សាំងជាមួយក្មេងជំទង់ មិនបានរាយការណ៍ពីប្រតិកម្មឬផលវិបាកមិនល្អទេ ហើយវ៉ាក់សាំងត្រូវបានគេរកឃើញថាមានប្រសិទ្ធភាព ១០០% ចំពោះក្មេងអាយុពី ១២ ទៅ ១៥ ឆ្នាំដែលជាអត្រាមួយប្រសើរ ក្នុងចំណោមមនុស្សពេញវ័យ។

ទោះយ៉ាងណា ឪពុកម្ដាយខ្លះអាចស្ទាក់ស្ទើរក្នុងការចាក់វ៉ាក់សាំងកូនៗ របស់ពួកគេ ដោយសារតែពួកគេដឹងថា កុមារមិនងាយឆ្លងឬរាលដាលមេរោគរហ័សជាងមនុស្សធំឡើយ។

ប៉ុន្តែនៅពេលកុមារចាក់វ៉ាក់សាំង នោះពួកគេនឹងទទួលបានអត្ថប្រយោជន៍មួយផ្សេងទៀត គឺពួកគេមិនចាំបាច់ផ្ដាច់ខ្លួនឬធ្វើតេស្តឡើយ ជាពិសេសនោះគឺថា ការចាក់វ៉ាក់សាំងជាវិធីល្អនិងលឿនបំផុត ដើម្បីបន្តជីវិតធម្មតាដូចពូពីមុន៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖វៀតណាម ត្រៀមទិញវ៉ាក់សាំងកូវីដ-១៩ ចាក់ឲ្យកុមារ

ចុចអាន៖វ៉ាក់សាំង Moderna ជិតទទួលបានការអនុញ្ញាតប្រើប្រាស់ជាបន្ទាន់សម្រាប់កុមារអាយុពី ១២ ទៅ ១៧ ឆ្នាំ