ព័ត៌មានអន្ដរជាតិ
កូនខ្មែរអស្ចារ្យ! កីឡាករមុជទឹកតំណាងអាមេរិកនៅអូឡាំពិក គឺជាក្មេងកំព្រា ដើមកំណើតនៅក្រុង ព្រះសីហនុ
និស្សិតឆ្នាំទី៤នៃសកលវិទ្យាល័យរដ្ឋ Texas កីឡាករ Jordan Pisey Windle ឬមានឈ្មោះខ្មែរថា ពិសី បានឆ្លងផុតវគ្គជម្រុះ ហើយនឹងទៅចូលរួមប្រកួតកីឡាអូឡាំពិកទីក្រុងតូក្យូ ប្រទេសជប៉ុន លើវិញ្ញាសារមុជទឹក។
អ្វីដែលធ្វើឲ្យគ្រប់គ្នាភ្ញាក់ផ្អើលនោះគឺថា Windle គឺជាកូនកំព្រា មានដើមកំណើតនៅក្រុង ព្រះសីហនុ ប្រទេសកម្ពុជា។
យោងតាមទំព័រ Facebook របស់លោក Remy Hou បានបង្ហោះថា ចេញពីមណ្ឌលកុមារកំព្រាកម្ពុជា ទៅចូលរួមជាមួយក្រុមមុជទឹកអូឡាំពិកសហរដ្ឋអាមេរិក។ រឿងរ៉ាវរបស់ Windle បានចាប់ផ្តើមនៅក្រុងព្រះសីហនុ ប្រទេសកម្ពុជា ជាកន្លែងដែលគាត់ចាប់កំណើត។ កើតបានត្រឹមមួយឆ្នាំប៉ុណ្ណោះ ឪពុកម្តាយរបស់ក្មេងប្រុសតូចម្នាក់នេះ បានទទួលមរណភាព ដែលធ្វើឲ្យគាត់ត្រូវគេដាក់នៅក្នុងមណ្ឌលកុមារកំព្រាមួយ ក្នុងរាជធានីភ្នំពេញ។ មួយឆ្នាំក្រោយមក ជោគវាសនារបស់គាត់បានផ្លាស់ប្តូរយ៉ាងខ្លាំង បន្ទាប់ពីគាត់ត្រូវបានបុរសអាមេរិកឈ្មោះ Jerry Windle យកទៅចិញ្ចឹម ឲ្យនៅជាមួយគាត់ក្នុងរដ្ឋ Florida សហរដ្ឋអាមេរិក។
នៅឆ្នាំ២០១៦ Jordan Windle បានវិលត្រឡប់មកប្រទេសកម្ពុជាជាលើកដំបូងចាប់តាំងពីគាត់ត្រូវបានគេយកទៅចិញ្ចឹម ដោយគាត់មកសម្តែងមុជទឹកឲ្យក្មេងកំព្រាទស្សនាក្នុងទីក្រុង ភ្នំពេញ។ គោលបំណងរបស់គាត់ ក្នុងការវិលត្រឡប់នេះគឺដើម្បីបំផុសគំនិតក្មេងៗ ហើយបង្ហាញពួកគេនូវអ្វីដែលអាចធ្វើទៅបាន។
Windle និយាយថា “បង្ហាញតែអាកប្បកិរិយាវិជ្ជមាននិងបន្តស្នាមញញឹម អ្វីៗក៏អាចកើតឡើងបានដែរ”។
ចំណែកក្នុងទំព័រ Facebook របស់ Windle ផ្ទាល់ក៏បានបង្ហោះផងដែរថា ខ្ញុំស្រឡាញ់ប្រទេសកម្ពុជានិងប្រជាជនខ្មែរ! ខ្ញុំមានមោទកភាព មុជទឹកតំណាងអាមេរិកក្នុងព្រឹត្តិការណ៍អូឡាំពិក ប៉ុន្តែក្នុងចិត្តខ្ញុំ ខ្ញុំក៏នឹងមុជទឹកតំណាងប្រជាជនកម្ពុជាផងដែរ។ គ្មានអ្វីអាចផ្លាស់ប្តូរការពិតបានទេ ដែលថាខ្ញុំជាកូនខ្មែរ ហើយខ្ញុំជាពលរដ្ឋអាមេរិក! ខ្ញុំជាមនុស្សសំណាងម្នាក់!៕
ប្រែសម្រួល៖ Vann Vann
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ