ធ្លាក់ឧទ្ធម្ភាគចក្រទើបទិញរបស់ទ័ពអាកាស ហ្វីលីពីន ស្លាប់មនុស្សទាំងអស់

កងទ័ពអាកាសហ្វីលីពីន (PAF) បាននិយាយនៅថ្ងៃព្រហស្បតិ៍នេះថា ឧទ្ធម្ភាគចក្រ S-70i Black Hawk ដែលទើបនឹងទិញ បានធ្លាក់នៅភាគខាងជើងនៃទីក្រុងម៉ានីលកាលពីយប់ថ្ងៃពុធ ដោយបានសម្លាប់សមាជិកនាវិក ៦ នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

PAF បាននិយាយនៅក្នុងសេចក្តីថ្លែងការណ៍មួយថា “រហូតមកដល់ពេលនេះមិនមានអ្នកនៅរស់រានមានជីវិត ត្រូវបានគេរកឃើញនោះទេ” ។

PAF បាននិយាយទៀតថា ឧទ្ធម្ភាគចក្របានធ្លាក់នៅម៉ោងប្រហែល ១០ យប់ អំឡុងពេលពេលហោះហើរហ្វឹកហាត់នៅពេលយប់ ចម្ងាយពីរបីគីឡូម៉ែត្រពីមូលដ្ឋានទ័ពអាកាសមួយនៅទីក្រុង Capas ក្នុងខេត្ត Tarlac ។

ទន្ទឹមនោះ នៅក្នុងសេចក្តីថ្លែងការណ៍ដាច់ដោយឡែកមួយ រដ្ឋមន្ត្រីការពារជាតិលោក Delfin Lorenzana បាននិយាយថា “អ្នកបើកយន្តហោះ ៣ នាក់ និងសមាជិក ៣ នាក់ទៀតបានស្លាប់ នៅក្នុងការធ្លាក់នោះ” ។ លោកបានបន្ថែមថា ឧទ្ធម្ភាគចក្របានធ្លាក់នៅតំបន់ជុំវិញជ្រលងភ្នំក្នុងខេត្ត Tarlac ។

ជាចុងក្រោយ PAF បាននិយាយថា ពូកគេបានបើកការស្រាវជ្រាវភ្លាមៗនៅយប់ថ្ងៃពុធ បន្ទាប់ពីឧទ្ធម្ភាគចក្រមិនបានវិលត្រឡប់មកមូលដ្ឋានវិញ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ អតីតប្រធានាធិបតី ហ្វីលីពីន លោក Benigno Aquino ទទួលមរណភាព