Connect with us

ព័ត៌មានអន្ដរជាតិ

អាមេរិក ចេញពីមូលដ្ឋានយោធា អាហ្វហ្គានីស្ថាន ទាំងយប់ដោយមិនបានប្រាប់មេបញ្ជាការថ្មីមួយម៉ាត់

បានផុស

នៅ

មន្ត្រីយោធាអាហ្វហ្គានីស្ថានបាននិយាយថា កងទ័ពសហរដ្ឋអាមេរិកបានចាកចេញពីមូលដ្ឋានយោធា Bagram Airfield របស់ប្រទេសអាហ្វហ្គានីស្ថាន នៅពេលយប់ បន្ទាប់ពីឈរជើងអស់រយៈពេលជិត ២០ ឆ្នាំ ទាំងមិនបានជូនដំណឹងដល់មេបញ្ជាការមូលដ្ឋានថ្មីរបស់អាហ្វហ្គានីស្ថានឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីយោធាអាហ្វហ្គានីស្ថានបានអះអាងបែបនេះ បន្ទាប់ពីមេបញ្ជាការថ្មីបានរកឃើញការចេញដំណើររបស់ជនជាតិអាមេរិកជាង ២ ម៉ោង ជាមួយនឹងការផ្ដាច់ចរន្តអគ្គីសនីដោយធ្វើឲ្យមូលដ្ឋាននោះពោរពេញទៅដោយសភាពងងឹត ។

កងទ័ពអាហ្វហ្គានីស្ថាន បានបង្ហាញពីមូលដ្ឋានទ័ពអាកាសដ៏ធំមួយនេះកាលពីថ្ងៃចន្ទ ដែលជាចំណុចកណ្តាលនៃសង្គ្រាមរបស់អាមេរិក ក្នុងការស្វែងរកពួកតាលីបង់ និងស្វែងរកឧក្រិដ្ឋជនក្រុមអាល់កៃដានៃព្រឹត្តិការណ៍វាយប្រហារ ៩/១១ ។

ទន្ទឹមនោះ សហរដ្ឋអាមេរិកបានប្រកាសកាលពីថ្ងៃសុក្រសប្តាហ៍មុនថា ពួកគេនឹងបញ្ចប់ការចាកចេញពីមូលដ្ឋានធំបំផុតរបស់ប្រទេសអាហ្វហ្គានីស្ថានទាំងស្រុង មុនពេលការដកទ័ពចុងក្រោយ ដែលមន្ទីរបញ្ចកោណនិយាយថា នឹងបញ្ចប់នៅចុងខែសីហា ៕

ប្រែសម្រួលដោយ ៖ ជីវ័ន្ត

ប្រភព ៖ AP

ចុចអាន ៖ លោក ចូ បៃដិន ថា អាមេរិក មិនទាន់ “យកឈ្នះ” ជំងឺកូវីដ ១៩ នៅឡើយទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម