ព័ត៌មានអន្ដរជាតិ

វីរុសកាចសាហាវ Delta ឆ្លងរាលដាលទូទាំងប្រទេសថៃហើយ

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

កាលពីដើមសប្តាហ៍នេះ វីរុសបំប្លែងដែលរកឃើញដំបូងនៅប្រទេសឥណ្ឌា Delta វាយលុកខ្លាំងនៅតែក្នុងទីក្រុងបាំងកក ប៉ុន្តែនៅថ្ងៃអង្គារ៍អាជ្ញាធរសុខាភិបាលថៃព្រមានពីវីរុសដ៏កាចសាហាវនេះបានរាលដាលពេញប្រទេសហើយ។

ប្រទេសថៃកាលពីថ្ងៃអង្គារ៍ម្សិលមិញនេះមានករណីមរណភាពថ្មី៥៤នាក់ និងឆ្លងថ្មី ៦ ៥១៩នាក់ ដែលធ្វើឲ្យតួលេខស្លាប់សរុបឡើងដល់ ២ ៣៨៧ នាក់ និងឆ្លងសរុប ៣០១ ១៧២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) បាននិយាយថា ទីក្រុងបាំងកកកាលពីថ្ងៃចន្ទបានក្លាយជាកន្លែងស្លាប់ និងឆ្លងថ្មីច្រើនជាងគេបំផុតគឺស្លាប់៣៣នាក់ និងឆ្លងថ្មី១៤៩២នាក់។

វីរុសក៏ត្រូវបានរកឃើញលើជនជាតិថៃ៨នាក់ដែលវិលត្រឡប់មកពីប្រទេសផ្សេងគឺ៣នាក់មកពីប្រទេសម៉ាឡេស៊ី និងមីយ៉ាន់ម៉ា ហើយម្នាក់ៗមកពីប្រទេសកម្ពុជា និងអេត្យពី។

ថៃបានរកឃើញករណីឆ្លងថ្មីជាង៥ពាន់នាក់ជារៀងរាល់ថ្ងៃចាប់តាំងពីដើមខែកក្កដាមក ខណៈករណីស្លាប់ថ្មីប្រហែល៥០នាក់រាល់ថ្ងៃ។ ករណីស្លាប់ច្រើនបំផុតគឺមានចំនួន៦១នាក់កាលពីថ្ងៃសុក្រសប្តាហ៍មុន។

អ្នកនាំពាក្យ CCSA លោក Taweesilp Visanuyothin បានបញ្ជាក់ពីការព្រមានរបស់ក្រសួងសុខាភិបាលអំពីគ្រោះថ្នាក់វីរុសបំប្លែងខ្លួន Delta ដែលរាលដាលស្ទើរគ្រប់កន្លែងទូទាំងប្រទេសហើយ បន្ទាប់ពីវាយប្រហារខ្លាំងនៅក្រុងបាំងកក។