រកឃើញអ្នកស្លាប់កើនដល់ជិត ១០០នាក់ បន្ទាប់ពីបាក់អគារនៅ Florida

ក្រុមជួយសង្គ្រោះនៅខុនដូដែលបាក់រលំមួយផ្នែក ជិតទីក្រុងម៉ៃអាមី បានរកឃើញជនរងគ្រោះម្នាក់ផ្សេងទៀតកាលពីថ្ងៃអង្គារ ដោយធ្វើឲ្យចំនួនអ្នកស្លាប់កើនដល់ ៩៥នាក់។ 

ស្របពេលជាមួយគ្នានោះដែរ ភ្លៀងធ្លាក់ខ្លាំងនិងបញ្ហាប្រឈម ក្នុងការកំណត់អត្តសញ្ញាណសាកសពជនរងគ្រោះ បានធ្វើឲ្យកិច្ចខិតខំប្រឹងប្រែងស្តារឡើងវិញ មានភាពយឺតយ៉ាវ។

លោកស្រី Daniella Levine Cava អភិបាលតំបន់ Miami-Dade បាននិយាយថា “វាគឺជាដំណើរការបែបវិទ្យាសាស្ត្រ និងវិធីសាស្ត្រដើម្បីកំណត់អត្តសញ្ញាណរបស់សាកសព”។

មនុស្សចំនួន១៤នាក់ នៅតែមិនទាន់ត្រូវបានរកឃើញ អស់រយៈពេល២០ថ្ងៃ បន្ទាប់ពីអគារ Champlain Towers South ក្នុងទីក្រុង Surfside រដ្ឋ Florida បានដួលរលំ នៅពេលមនុស្សដេកលក់ នៅព្រឹកព្រលឹមថ្ងៃទី២៤ខែមិថុនា។

កាលពីថ្ងៃចន្ទ ជនរងគ្រោះចំនួន៩នាក់ទៀត ត្រូវបានគេស្គាល់អត្តសញ្ញាណ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អ្នកស្លាប់ដោយសារបាក់អគារនៅ Florida កើនដល់ ៧៩នាក់