ក្ដៅៗ ហ្វីលីពីន រកឃើញវីរុសបំប្លែងខ្លួនឥណ្ឌា ឆ្លងក្នុងសហគមន៍ជាលើកដំបូង

ប្រទេសហ្វីលីពីននៅថ្ងៃសុក្រនេះ បានរាយការណ៍ពីករណីឆ្លងវីរុសបំប្លែងខ្លួនឥណ្ឌា “Delta” ក្នុងសហគមន៍ជាលើកដំបូងរបស់ខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Maria Rosario Vergeire អនុរដ្ឋលេខាធិការក្រសួងសុខាភិបាល បាននិយាយនៅក្នុងសន្និសីទសារព័ត៌មានមួយថា ករណីឆ្លងថ្មីនាំវីរុសបំប្លែងខ្លួនឥណ្ឌា “Delta” ចំនួន ១៦ ករណី ត្រូវបានរកឃើញនៅក្នុងប្រទេស ។

ក្នុងចំណោមការរកឃើញថ្មីនេះ ក្នុងនោះ ១១ ករណី ត្រូវបានចាត់ថ្នាក់ជាករណីឆ្លងក្នុងសហគមន៍ និង ៥ ករណី ជាការវិលត្រឡប់របស់ជនជាតិហ្វីលីពីននៅក្រៅប្រទេស ។

ទន្ទឹមនោះ អ្នកជំងឺ ៦ នាក់ក្នុងចំណោម ១១ ករណីត្រូវបានរកឃើញនៅកោះ Mindanao ភាគខាងត្បូង ដែលជាកោះមួយផ្ទុះការឆ្លងជាចង្កោមដ៏ធំ ខណៈពេលដែល ២ នាក់ទៀតត្រូវបានរកឃើញនៅក្រុងម៉ានីល ។

បច្ចុប្បន្ន ហ្វីលីពីន មានករណីឆ្លងជំងឺកូវីដ ១៩ ខ្ពស់ជាងគេទី ២ នៅអាស៊ីអាគ្នេយ៍ ពោលគិតត្រឹមពេលនេះមានអ្នកឆ្លងជាង ១ លានករណី និងមានអ្នកស្លាប់ ២៦,៣១៤ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bloomberg

ចុចអាន ៖ WHO ប្រកាសបញ្ចប់ជំងឺដ៏កាចសាហាវមួយនេះនៅប្រទេស ហ្វីលីពីន