ភ្លើងឆេះព្រៃធំបំផុតនៅអាមេរិក ដុតកម្ទេចផ្ទៃដីជាង ១២ម៉ឺនហិកតា ព្រមទាំងបំផ្លាញផ្ទះនិងអគារជាច្រើន

នៅរដ្ឋ Oregon សហរដ្ឋអាមេរិក ភ្លើងឆេះព្រៃធំបំផុតរបស់ប្រទេសនេះ បានឆាបឆេះលើផ្ទៃដីជាង ១២ម៉ឺនហិកតា ដែលជាហេតុជំរុញឲ្យមានការជម្លៀសមនុស្សរាប់ពាន់នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកពន្លត់អគ្គិភ័យជាង ២,០០០នាក់ កំពុងតែប្រយុទ្ធទប់ទល់នឹងភ្លើងឆេះព្រៃ Bootleg Fire ដែលជាអគ្គិភ័យដ៏ធំបំផុតមួយ នៅក្នុងប្រវត្តិសាស្ត្ររដ្ឋ Oregon។

ចាប់តាំងពីការចាប់ផ្តើមកាលពីថ្ងៃទី៦ខែកក្កដាមក អគ្គិភ័យនេះ បានដុតបំផ្លាញតំបន់មួយដែលមានទំហំធំជាងទីក្រុង Los Angeles ទៅទៀត។

វាជាភ្លើងឆេះព្រៃមួយក្នុងចំណោមភ្លើងឆេះព្រៃធំៗជាង៨០ ដែលកំពុងឆាបឆេះទូទាំងរដ្ឋចំនួន១៣ របស់សហរដ្ឋអាមេរិក ខណៈអគ្គិភ័យទាំងនោះ ត្រូវបានគេអះអាងថា ជំរុញដោយរលកកម្តៅនិងខ្យល់បក់ខ្លាំង។

ភ្លើងឆេះព្រៃ Bootleg Fire បានបង្ខំឲ្យប្រជាជនយ៉ាងតិច ២,០០០ នាក់មកពីតំបន់ជនបទ បោះបង់ចោលផ្ទះសម្បែងរបស់ពួកគេ។ យ៉ាងហោចណាស់ផ្ទះនិងអគារចំនួន ១៦០ ត្រូវបានដុតបំផ្លាញ គិតមកត្រឹមពេលនេះ។

មជ្ឈមណ្ឌលជម្លៀសចំនួនពីរ ត្រូវបានបង្កើតឡើងសម្រាប់អ្នករស់នៅក្នុងទីក្រុងមួយចំនួន រួមមានទាំង Klamath Falls និង Redmond ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ប្រជាជនកូរ៉េខាងជើងភ័យខ្លាចត្រូវប្រហារជីវិត ក្រោយមានភ្លើងឆេះព្រៃក្បែរមូលដ្ឋានមីស៊ីលរបស់លោក គីម