ស្រ្តីថៃ ដេកស្លាប់ក្នុងផ្ទះ ­បន្ទាប់ពីចាក់វ៉ាក់សាំង លាយគ្នា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ស្រ្តីថៃ ដេកស្លាប់ក្នុងផ្ទះ ­បន្ទាប់ពីចាក់វ៉ាក់សាំង លាយគ្នា

បានផុស

នៅ

គ្រូបង្រៀនឯកជនម្នាក់នៅខេត្ត Prachuap Khiri Khan ដែលមានជំងឺលើសឈាម ត្រូវបានប្រទះឃើញ ស្លាប់ នៅក្នុងផ្ទះ បន្ទាប់ពីចាក់វ៉ាក់សាំងកូវីដ ដូសទី២។ នេះបើយោងតាមការចុះផ្សាយ របស់កាសែត បាងកក ប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Saksit Dutwan អាយុ ៤៤ ឆ្នាំបាននិយាយថា គាត់និងប្រពន្ធឈ្មោះ Phongsaphak Satthasophon អាយុ ៣៩ ឆ្នាំ បានទទួលការចាក់វ៉ាក់សាំង AstraZeneca នៅមន្ទីរពេទ្យ Prachuap Khiri Khan កាលពីថ្ងៃចន្ទ ប៉ុន្តែកាលពីដូសទី១ ពួកគេបានចាក់វ៉ាក់សាំង Sinovac។

មកដល់ផ្ទះ លោក Saksit ថា គាត់មានប្រតិកម្មតែបន្តិចបន្តួចប៉ុណ្ណោះ ដូចជាឈឺក្បាលនិងក្តៅខ្លួន ជាដើមរីឯប្រពន្ធគាត់ ងងុយដេកខ្លាំង។

បន្ទាប់ពីដឹងថាប្រពន្ធក្អួតញឹកញាប់ បុរសជាប្តីបានសួរនាំ ហើយចង់នាំប្រពន្ធទៅពេទ្យ ប៉ុន្តែនាងថា មិនអី។ ថ្ងៃបន្ទាប់ ស្រ្តីជាប្រពន្ធនៅតែបន្តដេកទៀត។

ស្រាប់តែនៅម៉ោង ៧ យប់ បុរសជាប្តីបានឃើញបន្ទប់គេង មិនបើកភ្លើង ហើយបានប្រាប់ឲ្យកូនស្រីទៅដាស់ម្តាយ តែម្តាយបានស្លាប់ទៅហើយ។

ទោះបីជាភរិយារបស់គាត់កំពុងប្រើថ្នាំមួយចំនួន ទប់ទល់នឹងជំងឺលើសឈាមក៏ដោយ ក៏គ្រូពេទ្យនៅឯកន្លែងចាក់វ៉ាក់សាំងនិយាយថា នាងអាចចាក់វ៉ាក់សាំងបាន។

លោក Sopon Iamsirithaworn អគ្គនាយករង នៃនាយកដ្ឋានប្រយុទ្ធនឹងជំងឺ បាននិយាយថា មិនទាន់មានការសន្និដ្ឋានណាមួយច្បាស់លាស់ ចំពោះមូលហេតុនៃការស្លាប់នេះទេ។

លោកនិយាយថា “យើងកំពុងរង់ចាំលទ្ធផលនៃការធ្វើកោសល្យវិច័យ ដោយមន្ទីរពេទ្យ Phra Chom Klao ក្នុងខេត្ត Phetchaburi”។

ជាមួយគ្នានេះដែរ លោកវេជ្ជបណ្ឌិត Sopon Mekthon ជំនួយការរដ្ឋមន្រ្តីក្រសួងសុខាភិបាលសាធារណៈ និងជាប្រធានអនុគណៈកម្មការ គ្រប់គ្រងវ៉ាក់សាំងកូវីដ របស់រដ្ឋាភិបាល បានអះអាងថា គិតត្រឹមថ្ងៃទី១៣ខែកក្កដា ប្រជាជនសរុប ២,៣០០ នាក់ បានទទួលវ៉ាក់សាំងចាក់លាយគ្នា ហើយគ្មាននរណាម្នាក់ មានប្រតិកម្មធ្ងន់ធ្ងរនោះទេ៕

ប្រែសម្រួល៖ Vann Vann

ប្រភព៖ Bangkok Post

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ថ្នាក់ដឹកនាំ​សាលា​ភូមិន្ទ​រដ្ឋបាល ជ្រើស​រើស​យក​វត្ត​អង្គរ​ខាងជើង ជា​ចំណុច​ចាប់ផ្តើម នៃ​គម្រោង​សាកល្បង​ការរៀបចំ​សួន​ទេសភាព វប្បធម៌ វត្ត​អារាម

ព័ត៌មានជាតិ៤ ម៉ោង មុន

បណ្ឌិត សេង សារី ថា មាន​សម្តេច ហ៊ុន សែន តែម្នាក់ឯង​គត់ ដែល​បាន​កសាង​ប្រវត្តិសាស្ត្រ​ក្នុងការ​ដោះស្រាយ​ជម្លោះ​នយោបាយ​នៅ​កម្ពុជា

ព័ត៌មានជាតិ៤ ម៉ោង មុន

សាខា​កាកបាទក្រហមកម្ពុជា ខេត្តព្រៃវែង បើក​យុទ្ធនាការ «​បាញ់ថ្នាំ​កំចាត់​ជម្រក​មូស​ខ្លា ដើម្បី​ការពារ​ជំងឺគ្រុនឈាម​-​គ្រុន​ឈី​ក​»

ជីវិតកម្សាន្ដ៤ ម៉ោង មុន

តារាចម្រៀង រតនៈ វិសាល មានទុក្ខ​ធំ​ព្រោះ​ម្តាយ​ទទួលមរណភាព

នយោបាយ៥ ម៉ោង មុន

គ​.​ជ​.​ប ប្រាប់​ឲ្យ​ដឹង​ពី​លទ្ធផល នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ សម្រាប់​ថ្ងៃទី​៩

Sokha Hotels

ព័ត៌មានពេញនិយម

Helistar Cambodia - Helicopter Charter Services