ចិន ប្រកាសរកឃើញអ្នកឆ្លងកូវីដ ច្រើនបំផុតមិនធ្លាប់មាន​ ចាប់តាំងពីចុងខែមករា

ប្រទេសចិន បានរាយការណ៍អំពីករណីឆ្លងជំងឺកូវីដ-១៩ ថ្មីចំនួន ៧៦ ករណីកាលពីថ្ងៃអាទិត្យទី២៥ ខែកក្កដា ដែលនេះជាចំនួនខ្ពស់បំផុត ចាប់តាំងពីចុងខែមករាមក ចំពេលមានការកើនឡើងនៃករណីឆ្លងក្នុងសហគមន៍ នៅទីក្រុងភាគខាងជើង Nanjing។

គណៈកម្មាធិការសុខភាពជាតិបាននិយាយក្នុងសេចក្តីថ្លែងការណ៍មួយ នៅថ្ងៃចន្ទនេះថា ការឆ្លងក្នុងសហគមន៍គឺមាន៤០ភាគរយ ក្នុងចំណោមករណីថ្មីទាំងនេះ បើប្រៀបធៀបទៅនឹងត្រឹម ៥ភាគរយប៉ុណ្ណោះកាលពីថ្ងៃសៅរ៍។

៣៩ករណីក្នុងចំណោមការឆ្លងក្នុងសហគមន៍ គឺត្រូវបានរាយការណ៍នៅខេត្ត Jiangsu ភាគខាងកើត និង១ករណី នៅក្នុងខេត្តភាគឦសាន Liaoning។

ស្របពេលជាមួយគ្នានោះដែរ​ ចំនួនករណីមិនបញ្ចេញរោគសញ្ញា ដែលប្រទេសចិនមិនបានចាត់ថ្នាក់ជាករណីផ្លូវការ គឺបានកើនឡើងពី១៧ ដល់ ២៤ ករណី។

ក្នុងចំណោមករណីដែលមិនបញ្ចេញរោគសញ្ញា មាន ៤ ករណីគឺការឆ្លងក្នុងសហគមន៍ដូចជានៅ Jiangsu, Guangdong, Anhui និង Sichuan។

គួរបញ្ជាក់ថា ចំនួនករណីកូវីដដែលត្រូវបានបញ្ជាក់ នៅក្នុងប្រទេសចិនដីគោក គឺមាន ៩២,៦០៥ ករណីហើយចំនួនអ្នកស្លាប់នៅតែមាន ៤,៦៣៦ នាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ ថៃ នៅតែរកឃើញអ្នកឆ្លងកូវីដ ក្នុងកម្រិតខ្ពស់បំផុតមិនធ្លាប់មាន