មនុស្សរាប់សែននាក់ ធ្វើបាតុកម្មប្រឆាំងប័ណ្ណសុខភាពកូវីដ នៅ បារាំង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មនុស្សរាប់សែននាក់ ធ្វើបាតុកម្មប្រឆាំងប័ណ្ណសុខភាពកូវីដ នៅ បារាំង

បានផុស

នៅ

មនុស្សរាប់សែននាក់ បានធ្វើបាតុកម្មនៅទីក្រុងប៉ារីសនិងទីក្រុងដទៃទៀតរបស់ប្រទេសបារាំងកាលពីថ្ងៃសៅរ៍ទី៣១ខែកក្កដា ប្រឆាំងនឹងប័ណ្ណសុខភាពកូវីដ-១៩ ដែលតម្រូវឲ្យមានជាចាំបាច់បើសិនជាចង់ចូលទៅកាន់កន្លែងសាធារណៈ។ តម្រូវការនេះ ត្រូវបានណែនាំដោយរដ្ឋាភិបាល ស្របពេលដែលខ្លួនកំពុងប្រយុទ្ធប្រឆាំងនឹងកូវីដ រលកទី៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកតវ៉ាបានបង្ករបួសដល់មន្ត្រីប៉ូលិសបីនាក់ នៅក្នុងទីក្រុងប៉ារីស។ រដ្ឋមន្រ្តីក្រសួងមហាផ្ទៃលោក Gerald Darmanin បាននិយាយនៅលើបណ្តាញសង្គម Twitter ថា បាតុករចំនួន១៩នាក់ ត្រូវបានចាប់ខ្លួន ដោយក្នុងនោះមាន ១០នាក់នៅប៉ារីស។

នេះគឺជាសប្តាហ៍ទី ៣ ជាប់ៗគ្នាហើយ ដែលប្រជាជនប្រឆាំងនឹងវិធានការកូវីដថ្មីរបស់លោក Emmanuel Macron បាននាំគ្នាចេញតវ៉ាតាមដងផ្លូវ។

មន្រ្តីក្រសួងមហាផ្ទៃនិយាយថា មនុស្ស២០៤.០៩០នាក់ បានធ្វើបាតុកម្មនៅទូទាំងប្រទេសបារាំង រួមទាំង ១៤,២៥០ នាក់នៅប៉ារីសផងដែរ។

គ្រូបង្រៀនម្នាក់ឈ្មោះ Anne ដែលកំពុងធ្វើបាតុកម្មនៅទីក្រុងប៉ារីស បាននិយាយថា “យើងកំពុងបង្កើតសង្គមដាច់ដោយឡែកមួយ ហើយខ្ញុំគិតថា វាមិនគួរឲ្យជឿទេដែលមានការធ្វើបែបនេះ នៅក្នុងប្រទេសសិទ្ធិមនុស្ស។ ដូច្នេះខ្ញុំក៏បានចេញតវ៉ាតាមផ្លូវ ខ្ញុំមិនដែលតវ៉ាពីមុនមកទេនៅក្នុងជីវិតរបស់ខ្ញុំប៉ុន្តែពេលនេះខ្ញុំគិតថា សេរីភាពរបស់យើងកំពុងស្ថិតនៅក្នុងគ្រោះថ្នាក់”។

អ្នកដែលចូលសារមន្ទីរ រោងភាពយន្តឬអាងហែលទឹក ត្រូវបានបដិសេធរួចទៅហើយ ប្រសិនបើពួកគេមិនមានប័ណ្ណសុខភាពដែលបង្ហាញថា ពួកគេបានចាក់វ៉ាក់សាំងកូវីដហើយ ឬធ្វើតេស្តអវិជ្ជមាននាពេលថ្មីៗនេះ។

នៅសប្តាហ៍នេះ សភាបានអនុម័តច្បាប់ថ្មីមួយ ដែលនឹងធ្វើឲ្យការចាក់វ៉ាក់សាំង ក្លាយជាកាតព្វកិច្ចដល់បុគ្គលិកសុខាភិបាល និងពង្រីកតម្រូវការប័ណ្ណសុខភាពដល់បារ ភោជនីយដ្ឋាន កន្លែងតាំងពិព័រណ៍ពាណិជ្ជកម្ម រថភ្លើងនិងមន្ទីរពេទ្យ៕

ប្រែសម្រួល៖ Vann Vann

ប្រភព៖ CNA

ចុចអាន៖ ក្តៅៗ បារាំង រកឃើញវីរុសកូវីដ១៩បំប្លែងខ្លួនថ្មីមួយប្រភេទ ដែលការធ្វើតេស្តតាមស្តង់ដាបច្ចុប្បន្នមិនអាចរកឃើញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ស.ស.យ.ក នឹងផ្សព្វផ្សាយវិធានការ ៣កុំ៣ការពារតាមទីវត្តអារាមទូទាំងប្រទេសក្នុងពិធីបុណ្យកាន់បិណ្ឌ និងភ្ជុំបិណ្ឌខាងមុខ​

ព័ត៌មានជាតិ១៩ នាទី មុន

ក្រសួងកសិកម្មបង្ហាញពីបច្ចេកទេសធ្វើស្រែបែបថ្មីទទួលបានទិន្នផលខ្ពស់​

ព័ត៌មានអន្ដរជាតិ២៨ នាទី មុន

អាមេរិក ព្រមព្រៀងកាត់បន្ថយកងកម្លាំងប្រយុទ្ធនៅ អ៊ីរ៉ាក់

ព័ត៌មានអន្ដរជាតិ២៨ នាទី មុន

រថយន្ត​រាប់​រយ​គ្រឿង​ក្លាយ​ជា​រាន​ដាំ​បន្លែ​នៅ​ថៃ​ ព្រោះ​អ្នករត់ឈ្នួលទុកចោល

ព័ត៌មានអន្ដរជាតិ៣៤ នាទី មុន

ប្រយ័ត្ន! វីរុសកូវីដបំប្លែងខ្លួន កំពុងវិវត្ត បង្កើនសមត្ថភាពចម្លងតាមខ្យល់ ខ្លាំងជាងមេរោគទម្រង់ដើមដល់ទៅ ១០០ដងឯណោះ

Sokha Hotels

ព័ត៌មានពេញនិយម

Helistar Cambodia - Helicopter Charter Services