ព័ត៌មានអន្ដរជាតិ
ប្រទេសអ្នកមានមួយនេះក៏យកវ៉ាក់សាំងចិនចាក់ដល់កុមារដែរ ក្រោយល្បីមានប្រសិទ្ធភាពខ្លាំងក្លា
បើតាមរដ្ឋាភិបាលអារ៉ាប់រួមបាននិយាយនៅលើបណ្តាញសង្គម Twitter កាលពីថ្ងៃចន្ទថា ប្រទេសអារ៉ាប់រួមនឹងចាប់ផ្តើមចាក់វ៉ាក់សាំងការពារជំងឺកូវីដ ១៩ Sinopharm របស់ចិន ដល់កុមារអាយុពី ៣ ទៅ ១៧ ឆ្នាំ ។
ទន្ទឹមនោះ ក្រសួងសុខាភិបាលអារ៉ាប់រួមបានប្រកាសថា ការសម្រេចចិត្តនេះធ្វើឡើង បន្ទាប់ពីការសាកល្បងព្យាបាល និងការវាយតម្លៃទ្រង់ទ្រាយធំ ប៉ុន្តែមិនបានផ្តល់ព័ត៌មានលម្អិតនោះទេ ខណៈអាជ្ញាធរបាននិយាយនៅក្នុងខែមិថុនាថា ការសាកល្បងនេះនឹងត្រួតពិនិត្យភាពស៊ាំរបស់កុមារ ៩០០ នាក់ ។
កន្លងមក រដ្ឋឈូងសមុទ្រអារ៉ាប់ ដែលមានអត្រាចាក់វ៉ាក់សាំងខ្ពស់បំផុតនៅលើពិភពលោក បានចាក់វ៉ាក់សាំង Pfizer-BioNTech សម្រាប់កុមារអាយុពី ១២ ទៅ ១៥ ឆ្នាំរួចទៅហើយ ។
ប្រទេសនេះក៏បានដឹកនាំការសាកល្បងព្យាបាលដំណាក់កាលទី ៣ នៃវ៉ាក់សាំង Sinopharm របស់ប្រទេសចិនផងដែរ ហើយបានចាប់ផ្តើមផលិតវាក្រោមការបណ្តាក់ទុនរួមគ្នារវាងក្រុមហ៊ុន Sinopharm និងក្រុមហ៊ុនបច្ចេកវិទ្យា Group 42 ដែលមានមូលដ្ឋាននៅទីក្រុង Abu Dhabi ។
ស្របពេលជាមួយគ្នានេះ ក្រសួងសុខាភិបាលបាននិយាយកាលពីថ្ងៃអាទិត្យថា ៧៨.៩៥ ភាគរយនៃប្រជាជនអារ៉ាប់រួម ពោលប្រហែល ៩ លាននាក់ បានទទួលការចាក់វ៉ាក់សាំង ១ ដូស ខណៈ ៧០.៥៧ ភាគរយ បានចាក់វ៉ាក់សាំងពេញ ២ ដូស ។
គួរបញ្ជាក់ថា គិតត្រឹមពេលនេះប្រទេសអារ៉ាប់រួម បានកត់ត្រាករណីឆ្លងជំងឺកូវីដ ១៩ ជិត ៦៩ ម៉ឺនករណី និងមានអ្នកស្លាប់ជិត ២ ពាន់នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ