អាមេរិក ប្រាប់វិធីសំខាន់ ការពារកុមារពីវីរុសបំប្លែងខ្លួន Delta នៅក្នុងសាលារៀន

វីរុសបំប្លែងខ្លួន Delta កំពុងរីករាលដាលយ៉ាងឆាប់រហ័ស ចំពេលដែលកុមារ ត្រឡប់ទៅសាលារៀនវិញ។ ដូច្នេះតើសាលា អាចធ្វើអ្វីបានខ្លះ ដើម្បីរក្សាសុវត្ថិភាពកុមារ?

លោកវេជ្ជបណ្ឌិត Anthony Fauci ទីប្រឹក្សាផ្នែកវេជ្ជសាស្ត្រស្តីពីជំងឺកូវីដ-១៩ របស់សេតវិមាន នាពេលថ្មីៗនេះ បានផ្តល់ដំបូន្មានដល់សាលារៀននិងគ្រួសារ អំពីវិធីរក្សាអ្នកមិនបានចាក់វ៉ាក់សាំង ឲ្យមានសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Fauci បាននិយាយនៅក្នុងកម្មវិធី Meet the Press របស់ទូរទស្សន៍ NBC ថា កុមារគួរតែត្រូវបានហ៊ុមព័ទ្ធដោយមនុស្សដែលទទួលបានវ៉ាក់សាំងរួច នៅពេលពួកគេត្រឡប់ទៅសាលារៀនវិញ។ នេះនឹងការពារកុមារដែលនៅក្មេងពេក មិនទាន់អាចចាក់វ៉ាក់សាំងបាន។

លោក Fauci និយាយថា “ត្រូវនៅជុំវិញពួកគេដោយអ្នកដែលអាចចាក់វ៉ាក់សាំងបាន មិនថាជាគ្រូបង្រៀន បុគ្គលិកនៅក្នុងសាលា ឬអ្នកណាក៏ដោយដែលចាក់វ៉ាក់សាំងរួច”។

លោក Fauci បន្តថា វាក៏សំខាន់ផងដែរសម្រាប់កុមារ ក្នុងការវិលត្រឡប់ទៅសាលារៀនវិញជាមួយកាតព្វកិច្ចពាក់ម៉ាស់។

សម្រាប់កុមារដែលមិនអាចចាក់វ៉ាក់សាំងបាន នោះគឺជាហេតុផលដែលយើង ត្រូវមានការណែនាំយ៉ាងមុតមាំថា នៅក្នុងសាលារៀន មនុស្សគ្រប់រូបគួរតែពាក់ម៉ាស់ ទោះបីអ្នកនោះ ចាក់វ៉ាក់សាំងការពារឬអត់ក៏ដោយ។ យើងត្រូវតែការពារកុមារ៕

ប្រែសម្រួល៖ Vann Vann

ប្រភព៖ Deseret

ចុចអាន៖ អ្នកជំនាញព្រមានថា ៣-៤ខែទៀត វីរុសបំប្លែងខ្លួនឆ្លងសាហាវជាង Delta នឹងវាយលុក សហរដ្ឋអាមេរិក