ព័ត៌មានអន្ដរជាតិ
អាហ្វហ្គានីស្ថាន កំពុងវិលត្រឡប់ទៅការដួលរលំ និងសង្គ្រាមស៊ីវិលជាថ្មី បើក្រុមតាលីបង់កាន់កាប់ប្រទេសនេះទាំងស្រុង
រដ្ឋមន្រ្តីក្រសួងការពារជាតិអង់គ្លេសលោក Ben Wallace បាននិយាយនៅថ្ងៃសុក្រនេះថា ប្រទេសអាហ្វហ្គានីស្ថានកំពុងវិលត្រឡប់ទៅរកការដួលរលំ និងសង្គ្រាមស៊ីវិល ខណៈក្រុមសកម្មប្រយុទ្ធដូចជា អាល់កៃដាកំពុងទទួលបានជោគជ័យ ហើយទំនងជាបង្កការគំរាមកំហែងម្តងទៀតដល់លោកខាងលិច ។
បន្ទាប់ពីសង្រ្គាម ២០ ឆ្នាំនៅអាហ្វហ្កានីស្ថាន សហរដ្ឋអាមេរិកបានដកកងទ័ពរបស់ខ្លួនភាគច្រើនចេញដោយអនុញ្ញាតឲ្យកងកម្លាំងតាលីបង់វាយលុកទូទាំងប្រទេស ខណៈអ្នកការទូតបានចាត់ទុកថាជាការអាម៉ាស់មុខមួយ សម្រាប់ប្រទេសមហាអំណាចកំពូលរបស់ពិភពលោក ។
នៅពេលត្រូវបានសួរអំពីប្រទេសអាហ្វហ្គានីស្ថាន លោក Wallace បានប្រាប់ទូរទស្សន៍ Sky ថា “ខ្ញុំពិតជាព្រួយបារម្ភថា រដ្ឋដែលបរាជ័យគឺជាមូលដ្ឋានបង្កាត់ពូជមនុស្សប្រភេទនេះ ។ ក្រុមអាល់កៃដា ប្រហែលជាត្រលប់មកវិញហើយ” ។
ទន្ទឹមនោះលោកក៏បានប្រាប់ទូរទស្សន៍ BBC ផងដែរថា “ចក្រភពអង់គ្លេសធ្លាប់ឃើញនៅទសវត្សឆ្នាំ ១៨៣០ ថា អាហ្វហ្គានីស្ថានជាប្រទេសដែលដឹកនាំដោយពួកមេដឹកនាំសង្គ្រាម ហើយដឹកនាំខេត្ត និងកុលសម្ព័ន្ធផ្សេងៗគ្នា ហើយអ្នកនឹងបាត់ ប្រសិនបើអ្នកមិនប្រយ័ត្នប្រយែងក្នុងសង្គ្រាមស៊ីវិល ហើយខ្ញុំគិតថា យើងកំពុងឆ្ពោះទៅរកសង្រ្គាមស៊ីវិល” ។
លោក Wallace បានព្រមានថា ក្រុមតាលីបង់មិនមែនជាអង្គភាពតែមួយទេ ប៉ុន្តែជាកម្មសិទ្ធិដែលគ្របដណ្តប់លើផលប្រយោជន៍ផ្សេងៗគ្នាគ្រប់ប្រភេទ ។
ល្បឿននៃការប្រយុទ្ធកាន់តែឆ្ពោះទៅមុខរបស់តាលីបង់ បានធ្វើឲ្យរដ្ឋាភិបាលអាហ្វហ្គានីស្ថាន និងសម្ព័ន្ធមិត្តលោកខាងលិចមានការភ្ញាក់ផ្អើល ។
គួររំឭកថា ក្រុមតាលីបង់បានគ្រប់គ្រងភាគច្រើននៃប្រទេសអាហ្វហ្គានីស្ថានពីឆ្នាំ ១៩៩៦ ដល់ឆ្នាំ ២០០១ នៅពេលដែលកាន់កាប់តំណែងដោយមេក្រុមអាល់កៃដា លោក អូសាម៉ា ប៊ិនឡាដិន បន្ទាប់ពីការវាយប្រហារថ្ងៃទី ១១ ខែកញ្ញា មកលើសហរដ្ឋអាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ រដ្ឋាភិបាលអាហ្វហ្គានីស្ថាន សុំចែកអំណាចជាមួយក្រុម តាលីបង់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ