ព័ត៌មានអន្ដរជាតិ

លោក ត្រាំ ឲ្យ ចូ បៃដិន ចុះចេញពីតំណែងរឿងអាម៉ាស់នៅអាហ្វហ្គានីស្ថាន

បានផុស

៥ years មុន

នៅ

ថ្ងៃចន្ទ ១៦ សីហា ២០២១

ដោយ

អតីតប្រធានាធិបីសហរដ្ឋលោក ដូណាល់ ត្រាំ នៅថ្ងៃអាទិត្យម្សិលមិញនេះបានអំពាវនាវឲ្យលោកប្រធានាធិបតី ចូ បៃដិន លាលែងពីតំណែងដោយសារភាពអាម៉ាស់នៃការសម្រេចដកកងទ័ពអាមេរិកចេញពីអាហ្វហ្គានីស្ថាន និងរឿងផ្សេងៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតប្រធានាធិបតីបានសរសេរក្នុងសេចក្តីប្រកាសមួយថា ៖«វាជាពេលដែលលោក ចូ បៃដិន លាលែងពីតំណែងក្នុងរឿងអាម៉ាស់ចំពោះអ្វីដែលលោកបានអនុញ្ញាតឲ្យកើតឡើងនៅអាហ្វហ្គានីស្ថាន ព្រមជាមួយនឹងការផ្ទុះឆ្លងកូវីដ-១៩ដ៏អាក្រក់ មហន្តរាយព្រំដែន ការបំផ្លាញឯករាជ្យថាមពល និងសេដ្ឋកិច្ចដុនដាបរបស់យើង»។

ពួកតាលីបង់បានដណ្តើមកាន់កាប់ប្រទេសអាហ្វហ្គានីស្ថានស្ទើរទាំងស្រុងហើយ ដោយសារក្រុមសកម្មប្រយុទ្ធនេះរុលចូលកាន់កាប់រដ្ឋធានី កាប៊ុល ក្នុងនោះវិមានប្រធានាធិបតី និងរដ្ឋាភិបាលបានធ្លាក់ទៅកណ្តាប់ដៃរបស់ពួកគេ ស្របពេលកងទ័ពសហរដ្ឋអាមេរិកត្រូវបានបញ្ជូនទៅដើម្បីជម្លៀសមន្ត្រីស្ថានទូត។

ហ្វូងមនុស្សភ័យស្លន់ស្លោអាចត្រូវបានគេមើលឃើញនៅព្រលានយន្តហោះកាប៊ុលដែលព្យាយាមភៀសខ្លួនចេញពីទីក្រុងកាលពីថ្ងៃអាទិត្យម្សិលមិញ។

តាលីបង់កាន់កាប់ការិយាល័យប្រធានាធិបតីអាហ្វហ្គានីស្ថាន

រដ្ឋបាលរបស់លោក ត្រាំបានចរចារក្នុងន័យដកកងទ័ពអាមេរិកចេញពីអាហ្វហ្គានីស្ថាននៅថ្ងៃទី១ ខែឧសភា។ លោក ត្រាំ ថែមទាំងពិចារណារដកកងទ័ពចេញពីតំបន់មុនពេលលោកចាក់ចេញពីអំណាច។

នៅពេលលោកប្រធានាធិបតី ចូ បៃដិន បានប្រកាសថា លោកបានរៀបគម្រោងដកកងទ័ពទាំងអស់ចេញពីអាហ្វហ្គានីស្ថាននៅត្រឹមថ្ងៃទី១១ ខែកញ្ញា ដែលជាពេលខួបលើកទី២០នៃការវាយប្រហារថ្ងៃទី១១ ខែកញ្ញា លោកត្រូវបានលោក ត្រាំ ស្តីបន្ទោសដោយបានទទួចថា លោក បៃដិន ត្រូវតាមដានឲ្យបានជិតដិតបំផុតដែលអាចធ្វើទៅបានចំពោះគោលបំណងនៃការដកកងទ័ពរបស់លោកនៅថ្ងៃទី១ ខែឧសភា៕