ព្រះមហាក្សត្រម៉ាឡេស៊ី ជ្រើសរើសលោក Ismail Sabri Yakoob ជានាយករដ្ឋមន្ត្រីថ្មី

ព្រះមហាក្សត្រម៉ាឡេស៊ី បានជ្រើសរើសលោក Ismail Sabri Yakoob ជានាយករដ្ឋមន្ត្រីថ្មី ដោយបញ្ចប់វិបត្តិនយោបាយរយៈពេលមួយសប្តាហ៍ នៅក្នុងប្រទេសនេះ។

យោងតាមសេចក្តីថ្លែងការណ៍ពីព្រះបរមរាជវាំង លោក Ismail Sabri នឹងត្រូវស្បថចូលកាន់តំណែងនៅថ្ងៃទី២១ខែសីហា។ 

សេចក្តីថ្លែងការណ៍នេះ បានកើតឡើងបន្ទាប់ពីព្រះមហាក្សត្រ ជួបជាមួយថ្នាក់ដឹកនាំរាជវង្សផ្សេងទៀតរបស់ប្រទេសនៅថ្ងៃសុក្រ ដើម្បីពិភាក្សាអំពីស្ថានភាព។

ការតែងតាំងនេះ បានបញ្ចប់ភាពចលាចលផ្នែកនយោបាយរយៈពេលច្រើនសប្តាហ៍ ដែលនាំឲ្យលោក Muhyiddin Yassin និងគណៈរដ្ឋមន្រ្តីទាំងមូលរបស់គាត់ លាលែងពីតំណែងកាលពីថ្ងៃចន្ទ បន្ទាប់ពីកាន់តំណែងបាន ១៧ ខែ ចំពេលមានការខឹងសម្បាយ៉ាងខ្លាំងចំពោះការគ្រប់គ្រងរបស់គាត់ ក្នុងការដោះស្រាយជាមួយវិបត្តិជំងឺរាតត្បាតនិងសេដ្ឋកិច្ច។

ព្រះបរមរាជវាំងបាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា នៅពេលត្រូវបានតែងតាំង នាយករដ្ឋមន្រ្តីថ្មីគួរតែប្រឈមមុខនឹងការបោះឆ្នោតសម្តែងការទុកចិត្តនៅក្នុងសភា ឲ្យបានឆាប់តាមដែលអាចធ្វើទៅបាន៕

ប្រែសម្រួល៖ Vann Vann

ប្រភព៖ Bloomberg

ចុចអាន៖ តារា​​ចម្រៀង​​ម៉ាឡេស៊ី​ដ៏​ល្បី​ម្នាក់ស្លាប់​ដោយ​សារ​កូវីដ​ក្រោយសម្រាលកូន