លោក បៃដិន ថា ការដាក់ទណ្ឌកម្មលើ តាលីបង់ រង់ចាំមើលពួកគេធ្វើអ្វីបន្តទៀត

ប្រធានាធិបតីអាមេរិកលោក ចូ បៃដិន បាននិយាយកាលពីថ្ងៃអាទិត្យថា ការសម្រេចចិត្តដាក់ទណ្ឌកម្មប្រឆាំងនឹងពួកតាលីបង់ នឹងអាស្រ័យលើការប្រព្រឹត្ដរបស់ពួកគេ ។

នៅពេលសួរថាតើលោកនឹងគាំទ្រការដាក់ទណ្ឌកម្ម ដែលត្រូវបានពិចារណាដោយរដ្ឋាភិបាលអង់គ្លេសដែរឬយ៉ាងណា លោក បៃដិន បាននិយាយថា បាទ ។ លោកបានបន្ថែមថា “ប៉ុន្តែវាអាស្រ័យលើការប្រព្រឹត្ដ និងអនុវត្តរបស់ពួកតាលីបង់ ។

ទន្ទឹមនោះ ប្រធានាធិបតីរូបនេះក៏បានប្រឆាំងជាថ្មីម្តងទៀត នឹងអ្នករិះគន់ដែលចោទសួរអំពីពេលវេលារបស់គាត់ លើការដកកងកម្លាំងអាមេរិកចេញពីអាហ្វហ្គានីស្ថាន ។

លោក បៃដិន បានរំឭកឡើងវិញថា សង្គ្រាមរយៈពេល ២០ ឆ្នាំបានធ្វើឲ្យជនជាតិអាមេរិកចំនួន ២,៤៤៨ នាក់ស្លាប់ និងរបួស ២០,៧២២ នាក់ និងចំណាយអស់ ៣០០ លានដុល្លារអាមេរិកក្នុងមួយថ្ងៃ ។

លោកបាននិយាយថា “យើងបង្កើនចំនួនកងកម្លាំងដែលយើងរក្សានៅទីនោះ ហើយបន្តវា ឬបញ្ចប់សង្រ្គាម តែខ្ញុំគិតហើយថា ខ្ញុំសម្រេចចិត្តបញ្ចប់សង្គ្រាម” ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ៥ រឿងតាមដាន លោក ចូ បៃដិន ជុំវិញស្ថានភាពអាហ្វហ្គានីស្ថានសប្តាហ៍នេះ