រុស្ស៊ី ចាប់ខ្លួនជនជាតិអ៊ុយក្រែន ពីបទធ្វើចារកម្មលើកម្មវិធីអាវុធ

អាជ្ញាធររុស្ស៊ីបាននិយាយកាលពីថ្ងៃចន្ទថា ពួកគេបានចាប់ខ្លួនបុរសជនជាតិអ៊ុយក្រែនម្នាក់ ពីបទធ្វើចារកម្មលើកម្មវិធីអាវុធរបស់ប្រទេស។

សេវាកម្មសន្តិសុខសហព័ន្ធរុស្ស៊ី (FSB) បាននិយាយថា ជនសង្ស័យត្រូវបានឃាត់ខ្លួននៅក្នុងទីក្រុង Tula ដែលមានចម្ងាយប្រហែល ១៧០ គីឡូម៉ែត្រ ភាគខាងត្បូងទីក្រុង មូស្គូ។ ទីក្រុងនេះ គឺជាទីតាំងនៃរោងចក្រអាវុធ ដែលផលិតមីស៊ីលនាំផ្លូវ ព្រមទាំងកាំភ្លើងយោធាផ្សេងៗផងដែរ។

FSB មិនបានផ្តល់អត្តសញ្ញាណរបស់បុរសម្នាក់នោះទេ ប៉ុន្តែបានអះអាងថា គាត់គឺជាភ្នាក់ងារចារកម្មអ៊ុយក្រែន។ គាត់ត្រូវបានចោទប្រកាន់ពីបទ លួចឯកសារបច្ចេកទេសនិងព័ត៌មាន ទាក់ទងនឹងបច្ចេកវិទ្យាអាវុធចុងក្រោយបំផុតរបស់ប្រទេសរុស្ស៊ី។

FSB បាននិយាយនៅក្នុងសេចក្តីថ្លែងការណ៍មួយទាក់ទងនឹងជនសង្ស័យថា “គោលដៅរបស់គាត់គឺជ្រើសរើសជនជាតិរុស្ស៊ី និងប្រមូលព័ត៌មានការពារស្របច្បាប់ស្តីពីការអភិវឌ្ឍក្នុងវិស័យអាវុធធុនតូច ពីជនជាតិរុស្ស៊ីទាំងនោះ”។

ប្រសិនបើត្រូវបានផ្តន្ទាទោស គាត់អាចប្រឈមមុខនឹងការជាប់ពន្ធនាគាររហូតដល់ទៅ ២០ ឆ្នាំ៕

ប្រែសម្រួល៖ Vann Vann

ប្រភព៖ DW

ចុចអាន៖ រុស្ស៊ី ឃុំខ្លួនមន្ត្រីកុងស៊ុល អេស្តូនី ពីបទ ចារកម្ម