៦០ ឆ្នាំខាងមុខ នឹងមានជំងឺរាតត្បាតមួយទៀត វាយលុកពិភពលោក ដូចកូវីដ

អ្នកវិទ្យាសាស្ត្របានព្រមានអំពីជំងឺរាតត្បាតថ្មីមួយ ប្រហែលនឹងកូវីដ-១៩ដែរ ដែលវាទំនងជាវាយលុកពិភពលោកក្នុងរយៈពេល ៦០ ឆ្នាំខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នកជំនាញមកពីសាកលវិទ្យាល័យ Padua ប្រទេសអ៊ីតាលីដែលជាអ្នកសិក្សាពីការរីករាលដាលនៃជំងឺនៅជុំវិញពិភពលោកក្នុងរយៈពេល ៤០០ ឆ្នាំកន្លងមកនេះ ពួកគេបានព្យាករណ៍ថា នៅអំឡុងឆ្នាំ ២០៨០ ពិភពលោកនឹងជួបហានិភ័យប្រហាក់ប្រហែលនឹងវិបត្តិនៃរោគរាតត្បាតនាពេលបច្ចុប្បន្ន។

ដោយឡែក ក្រុមអ្នកស្រាវជ្រាវអាមេរិកបានរកឃើញថា លទ្ធភាពនៃការរាតត្បាតនាអនាគតអាចមានផលប៉ះពាល់ស្រដៀងគ្នានឹងជំងឺកូវីដ-១៩ អ៊ីចឹងដែរ។ នេះមានន័យថា អ្នកដែលកើតក្នុងឆ្នាំ ២០០០ នឹងមានឱកាសប្រមាណ ៣៨ភាគរយក្នុងការប្រឈមនឹងវិបត្តិនោះ។

អ្នកវិទ្យាសាស្ត្រមិនច្បាស់ពីមូលហេតុនៅពីក្រោយការកើនឡើងនៃហានិភ័យនោះទេ ប៉ុន្តែពួកគេនិយាយថា វាទំនងជាដោយសារកំណើនប្រជាជន ការផ្លាស់ប្តូរប្រព័ន្ធរបបអាហារ ការរិចរិលបរិស្ថាន និងទំនាក់ទំនងជិតស្និទ្ធរវាងមនុស្សនិងសត្វដែលមានជំងឺ។

ក្រោយចេញសេចក្ដីព្រមាន ក្រុមអ្នកស្រាវជ្រាវបានក្រើនរំឭកថា ការយល់ដឹងអំពីជំងឺរាតត្បាតក្នុងពេលអនាគត មិនមែនជារឿងគួរព្រងើយកន្តើយឡើយ ព្រោះវានឹងជួយឱ្យគ្រប់គ្នាបង្កើនការពារ និងគ្រប់គ្រងហានិភ័យដែលត្រៀមនឹងលេចឡើង។

ការរកឃើញនេះ ត្រូវបានបោះពុម្ពផ្សាយនៅក្នុងទស្សនាវដ្តី Proceedings of the National Academy of Sciences៕

ប្រែសម្រួល៖ សន្យា

ប្រភព៖ Daily Mail

ចុចអាន៖ នៅអាមេរិក ការគាំទ្រកូនឲ្យចាក់វ៉ាក់សាំង គឺជាអាវក្រោះសុវត្ថិភាព ការពារក្មេងៗ ពេលទៅសាលារៀន

ចុចអាន៖ អ្នកវិទ្យាសាស្ត្រថា កូវីដ-១៩នឹងមិនបាត់ទៅណាទេ ហើយគ្រប់គ្នាត្រូវរៀនរស់ជាមួយវាដូចជំងឺផ្តាសាយ