ព័ត៌មានអន្ដរជាតិ

មនុស្សមិនសូវប្រើស្រោមអនាម័យពេលរួមភេទ អំឡុងជំងឺរាតត្បាត

បានផុស

២ years មុន

នៅ

ថ្ងៃពុធ ១២ មករា ២០២២

ដោយ

មនុស្សជាច្រើននៅជុំវិញពិភពលោក មិនសូវប្រើស្រោមអនាម័យទេ ពេលរួមភេទ។ ក្នុងអំឡុងពេលផ្ទុះជំងឺរាតត្បាត ការលក់ស្រោមអនាម័យត្រូវបានរាយការណ៍ថា មានការធ្លាក់ចុះយ៉ាងខ្លាំងសម្រាប់ក្រុមហ៊ុនផលិតស្រោមអនាម័យធំជាងគេរបស់ពិភពលោក Karex។

យោងតាមរបាយការណ៍របស់ Nikkei Asia បានបង្ហាញថា ក្រុមហ៊ុនម៉ាឡេស៊ីមួយនេះ ដែលផ្គត់ផ្គង់ស្រោមអនាម័យដល់ម៉ាកល្បីៗដូចជា Durex និង ONE និយាយថា ការប្រើប្រាស់ផលិតផលរបស់ខ្លួន បានធ្លាក់ចុះប្រមាណ៤០%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកខ្លះគិតថា មនុស្សកាន់តែច្រើននឹងរួមភេទកាន់តែញឹកញាប់ ចាប់តាំងពីមនុស្សត្រូវបានបង្ខំឲ្យស្នាក់នៅក្នុងផ្ទះ ហើយពួកគេក៏នឹងទិញស្រោមអនាម័យបន្ថែមផងដែរ។ ក្រុមហ៊ុន Karex ថែមទាំងបានប៉ាន់ប្រមាណផងដែរថា តម្រូវការស្រោមអនាម័យនឹងកើនឡើង ប៉ុន្តែអ្វីៗមិនដូចការគិតទេ។

ប្រហែលជាដោយសារតែមនុស្សមិនសូវបានជួបគ្នាដោយផ្ទាល់បន្ទាប់ពីណាត់ជួបតាមកម្មវិធី Tinder ឬទៅផ្ទះជាមួយនរណាម្នាក់ដែលពួកគេជួបនៅបារ។ ប៉ុន្តែក្រុមហ៊ុននិយាយថា បញ្ហាចម្បងគឺជាការបិទមជ្ឈមណ្ឌលសុខភាពផ្លូវភេទ និងការផ្អាកកម្មវិធីចែកស្រោមអនាម័យដែលផ្តល់មូលនិធិដោយរដ្ឋាភិបាលនានា៕

ប្រែសម្រួល៖ Vann Vann

ប្រភព៖ Thaiger

ចុចអាន៖ រួមភេទ ជួយកាត់បន្ថយស្ត្រេសបានបែបណាខ្លះ?