សិង្ហបុរី ចេញសេចក្តីព្រាងច្បាប់ ប្រឆាំងការជ្រៀតជ្រែកពីបរទេស ក្នុងរឿងនយោបាយ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សិង្ហបុរី ចេញសេចក្តីព្រាងច្បាប់ ប្រឆាំងការជ្រៀតជ្រែកពីបរទេស ក្នុងរឿងនយោបាយ

បានផុស

នៅ

អំណាចថ្មី ដើម្បីទប់ទល់នឹងការប៉ុនប៉ងរបស់បរទេស ក្នុងការជះឥទ្ធិពលដល់នយោបាយក្នុងស្រុក, ញុះញង់ឲ្យមានភាពតានតឹងក្នុងសង្គមឬការផ្លាស់ប្តូរការសម្រេចចិត្តសំខាន់ៗរបស់ជាតិ ត្រូវបានដាក់បញ្ចូលក្នុងសេចក្តីព្រាងច្បាប់ថ្មីមួយ ដែលណែនាំក្នុងសភាសិង្ហបុរីកាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីព្រាងច្បាប់អន្តរាគមន៍បរទេស នឹងផ្តល់ឲ្យរដ្ឋាភិបាលនូវ វិធីសាស្រ្តជាច្រើនដើម្បីប្រឆាំងនឹងតួអង្គបង្កអរិភាព។

ទាំងនេះ រួមបញ្ចូលទាំងអំណាចដើម្បីបង្ខំឲ្យអ្នកផ្តល់សេវាកម្មអ៊ីនធើណិតនិងបណ្តាញសង្គម បង្ហាញព័ត៌មានអំពីអ្នកប្រើប្រាស់ ដកមាតិកាអនឡាញ និងបិទគណនីអ្នកប្រើប្រាស់ផងដែរ។

ក្រសួងមហាផ្ទៃ (MHA) និយាយថា សេចក្តីព្រាងច្បាប់នេះ នឹងពង្រឹងសមត្ថភាពរបស់ប្រទេសសិង្ហបុរី ក្នុងការការពារ រកឃើញនិងបង្អាក់ការជ្រៀតជ្រែករបស់បរទេស នៅក្នុងនយោបាយក្នុងស្រុករបស់ខ្លួន។ ឧទាហរណ៍ ការជ្រៀតជ្រែកអាចត្រូវបានធ្វើឡើងតាមរយៈយុទ្ធនាការព័ត៌មានអរិភាព និងការប្រើប្រាស់តំណាងក្នុងតំបន់។

បុគ្គលនិងក្រុមដែលពាក់ព័ន្ធដោយផ្ទាល់នៅក្នុងដំណើរការនយោបាយរបស់សិង្ហបុរី នឹងត្រូវចាត់តាំងជាបុគ្គលមានសារៈសំខាន់ផ្នែកនយោបាយ (PSP) ហើយនឹងត្រូវចាត់វិធានការដើម្បីកាត់បន្ថយហានិភ័យនៃការជ្រៀតជ្រែកពីបរទេស។

សេចក្តីព្រាងច្បាប់នេះ នឹងតម្រូវឲ្យគណបក្សនយោបាយ អ្នកនយោបាយ បេក្ខជនឈរឈ្មោះបោះឆ្នោតនិងភ្នាក់ងាររៀបចំការបោះឆ្នោត ប្រកាសអំពីការជាប់ពាក់ព័ន្ធបរទេស។

ក្រសួងបានកត់សម្គាល់ថា ការជ្រៀតជ្រែកពីបរទេសនិងយុទ្ធនាការព័ត៌មានអរិភាព បានបង្កការគំរាមកំហែងយ៉ាងធ្ងន់ធ្ងរដល់អធិបតេយ្យភាពនយោបាយ និងសន្តិសុខជាតិរបស់សិង្ហបុរី។

តួអង្គបរទេស អាចស្វែងរកការបំភាន់ជនជាតិសិង្ហបុរីលើបញ្ហានយោបាយ, បង្កឲ្យមានការខ្វែងគំនិតគ្នានិងភាពមិនចុះសម្រុង ដោយបង្កើតបញ្ហាចម្រូងចម្រាសដូចជាពូជសាសន៍ និងសាសនាឬព្យាយាមធ្វើឲ្យខូចទំនុកចិត្តនិងការជឿជាក់លើស្ថាប័នសាធារណៈ។

MHA បន្ថែមថា សិង្ហបុរីងាយរងគ្រោះចំពោះឥទ្ធិពលបែបនេះ ដោយសារសង្គមបើកចំហនិងមានទំនាក់ទំនងឌីជីថលខ្ពស់។

ច្បាប់ដែលបានស្នើឡើងនេះ នឹងអនុញ្ញាតឲ្យរដ្ឋាភិបាលទទួលបានព័ត៌មានអំពីប្រតិបត្តិការជ្រៀតជ្រែកពីបរទេស ការពារទំនាក់ទំនងតាមអ៊ីនធើណិតដែលបង្កគ្រោះថ្នាក់ និងរារាំងឬទប់ស្កាត់ការរីករាលដាលយ៉ាងឆាប់រហ័សនៃសកម្មភាពបែបនេះ។

អាជ្ញាធរក៏អាចកំណត់បុគ្គលឬអង្គភាព ដែលអាចក្លាយជាគោលដៅនៃឥទ្ធិពលបរទេស បង្ខំពួកគេឲ្យបញ្ចេញព័ត៌មានពាក់ព័ន្ធជាទៀងទាត់ និងទទួលបានព័ត៌មានអំពីប្រតិបត្តិការជ្រៀតជ្រែកពីបរទេសផងដែរ៕

ប្រែសម្រួល៖ Vann Vann

ប្រភព៖ Straits Times

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ១១ នាទី មុន

គ​.​ជ​.​ប ប្រាប់​ឲ្យ​ដឹង​ពី​លទ្ធផល នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ សម្រាប់​ថ្ងៃទី​៩

ព័ត៌មានជាតិ៣៦ នាទី មុន

សប្តាហ៍​ក្រោយ រដ្ឋសភា​នឹង​បើក​កិច្ចប្រជុំ អនុម័ត​សំណើសុំ​ធ្វើ​វិសោធនកម្ម​រដ្ឋធម្មនុញ្ញ ដើម្បី​កំណត់​សញ្ជាតិ​របស់​ថ្នាក់ដឹកនាំ​កំពូលៗ

ព័ត៌មានជាតិ៤៤ នាទី មុន

ក្រសួង​អប់រំ​ប្រកាស​បើក​ដំណើរការ​សិក្សា​គ្រប់​កម្រិត​នៅ​ទូទាំងប្រទេស​ចាប់ពី​ថ្ងៃទី​១​វិច្ឆិកា​

ជីវិតកម្សាន្ដ២ ម៉ោង មុន

ស្នាដៃ​ភាពយន្ត​ល្បីៗ​ចំនួន​២​របស់​លោកតា ហ្វុ​យ ស្សូ ធ្លាប់​បាន​ប្រកួត​នៅលើ​ឆាក​អន្តរជាតិ​

ព័ត៌មានជាតិ២ ម៉ោង មុន

រាជរដ្ឋាភិបាល​កំពុង​រៀបចំ​ដាក់ចេញ​នូវ​ផែនការ​ស្តារ​សេដ្ឋកិច្ច​ក្រោយ​វិបត្តិ​ជំងឺ​កូ​វីដ​-១៩ ដោយ​ផ្តោតលើ​អភិក្រម​ចំនួន ៣

Sokha Hotels

ព័ត៌មានពេញនិយម

Helistar Cambodia - Helicopter Charter Services