ព័ត៌មានអន្ដរជាតិ
នៅហាណូយ អ្នកអត់ចាក់វ៉ាក់សាំង ត្រូវចុះហត្ថលេខាលើលិខិតស្នាមផ្លូវច្បាប់ ទទួលខុសត្រូវចំពោះការចម្លងរោគ
ប្រជាពលរដ្ឋនៅសង្កាត់ Hoang Liet ខណ្ឌ Hoang Mai ទីក្រុងហាណូយ ដែលបដិសេធការចាក់វ៉ាក់សាំងការពារជំងឺកូវីដ-១៩ ត្រូវតែចុះហត្ថលេខាលើលិខិតស្នាមផ្លូវច្បាប់មួយ ដែលទទួលយកការទទួលខុសត្រូវចំពោះការចម្លងរោគដែលអាចកើតមាន នាពេលអនាគត។
អាណត្តិនេះ ត្រូវបានលើកឡើងនៅក្នុងឯកសារផ្លូវការ ស្តីពីការចាក់វ៉ាក់សាំងបង្ការជំងឺកូវីដ-១៩ ដែលចេញដោយមន្រ្តីសង្កាត់ Hoang Liet កាលពីថ្ងៃអង្គារ។
លោកចៅសង្កាត់ Ta Van Hai បាននិយាយជាមួយកាសែត Tuoi Tre ថា ទម្រង់បែបបទទំនួលខុសត្រូវនេះ នឹងអនុញ្ញាតឲ្យអាជ្ញាធរសង្កាត់ មានឱកាសធ្វើការស្ទង់មតិប្រជាពលរដ្ឋអំពីហេតុផលរបស់ពួកគេចំពោះការបដិសេធចាក់វ៉ាក់សាំង។
លោកនិយាយថា “អ្នកដែលចម្លងជំងឺនេះ ត្រូវតែទទួលខុសត្រូវ”។
យោងតាមលោក Dang Thanh Huyen អនុប្រធានការិយាល័យជាតិ សម្រាប់កម្មវិធីពង្រីកការចាក់ថ្នាំបង្ការវៀតណាមបានលើកឡើងថា អាជ្ញាធរមូលដ្ឋានអាចបង្ខិតបង្ខំប្រជាពលរដ្ឋនៅក្នុងតំបន់ផ្ទុះជំងឺឲ្យទៅទទួលវ៉ាក់សាំង ដូចមានចែងក្នុងច្បាប់ស្តីពីការបង្ការនិងគ្រប់គ្រងជំងឺឆ្លង។
ទោះបីជាយ៉ាងណាក៏ដោយ នៅក្នុងសេណារីយ៉ូបច្ចុប្បន្ន រដ្ឋាភិបាលក្នុងតំបន់គួរតែព្យាយាមបញ្ចុះបញ្ចូលអ្នកស្រុកឲ្យទៅទទួលថ្នាំបង្ការ ដើម្បីសុខភាពសាធារណៈ ហើយគួរតែចៀសវាងពីការដាក់ទណ្ឌកម្មជាក់លាក់។
ក្នុងអំឡុងពេលនៃយុទ្ធនាការចាក់វ៉ាក់សាំងទ្រង់ទ្រាយធំរបស់វៀតណាម ដែលបានចាប់ផ្តើមនៅក្នុងខែមីនា សាធារណជនភាគច្រើនបានស្ម័គ្រចិត្តទទួលថ្នាំបង្ការ។
គិតត្រឹមថ្ងៃពុធ ទីក្រុងហាណូយ ចាក់វ៉ាក់សាំងបាន ៤,៦៨៧,៦១៨លានដូស៕
ប្រែសម្រួល៖ Vann Vann
ប្រភព៖ Tuoi Tre
ចុចអាន៖ បារាំង ព្យួរការងារបុគ្គលិកសុខាភិបាល ៣,០០០ នាក់ មិនឲ្យប្រាក់ខែ ព្រោះអត់ចាក់វ៉ាក់សាំងកូវីដ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង