ព័ត៌មានអន្ដរជាតិ
លោក ចូ បៃដិន នឹងប្រកាសដំណឹងល្អពីមូលនិធិអាកាសធាតុ១០០ប៊ីលានដុល្លារនៅ UN
ប្រធានាធិបតីសហរដ្ឋអាមេរិក លោក ចូ បៃដិន ត្រូវបានគេរំពឹងថា នឹងប្រកាស«ដំណឹងល្អ»ដើម្បីដោះស្រាយកង្វះខាតក្នុងមូលនិធិអាកាសធាតុសកលចំនួន១០០ប៊ីលានដុល្លារអាមេរិក។ នេះបើយោងតាមមន្ត្រីអង្គការសហប្រជាជាតិ (UN)ម្នាក់បាននិយាយកាលពីថ្ងៃចន្ទ ទី២០ ខែកញ្ញា បន្ទាប់ពីជំនួបបិទទ្វារមួយរវាងប្រទេសដែលត្រៀមបើកមហាសន្និបាត។
លោក បៃដិន ដែលនឹងថ្លែងសុន្ទរកងាលើកដំបូងរបស់លោកទៅកាន់ស្ថាប័នពិភពលោកក្នុងនាមជាមេដឹកនាំអាមេរិកនាថ្ងៃអង្គារ៍នេះត្រូវបានតំណាងដោយបេសកជនអាកាសធាតុរបស់លោកគឺលោក John Kerry នៅក្នុងកិច្ចប្រជុំត្រូវបានរៀបចំដោយចក្រភពអង់គ្លេស និងអគ្គលេខាធិការអង្គការសហប្រជាជាតិលោក Antonio Guterres។
មុនពេលកិច្ចព្រមព្រៀងក្រុងបារីស បណ្តាប្រទេសអភិវឌ្ឍបានសន្យាថា នឹងកៀរគរថវិកាចំនួន១០០ប៊ីលានដុល្លារអាមេរិកក្នុងមួយឆ្នាំរាប់ចាប់ពីឆ្នាំ២០២០ដើម្បីគាំទ្រដល់ប្រទេសក្រីក្រជាមួយនឹងអាកាសធាតុសមស្រប ប៉ុន្តែបច្ចុប្បន្ននេះមានកង្វះខាតដែលមានប្រហែលជា២០ប៊ីលានដុល្លារអាមេរិកប៉ុណ្ណោះ។
«យើងបានឮពីតំណាងអាមេរិកនៅក្នុងបន្ទប់..មានដំណឹងល្អខ្លះជិតមកដល់»។ មន្ត្រី UN បាននិយាយ និងបន្ថែមថា «មានទស្សនៈ និងសញ្ញាវិជ្ជមានពិតប្រាកដពីតំណាងសហរដ្ឋអាមេរិក»។
«មែនទែនទៅ យើងមិនមានសេចក្តីលំអិតទេ តែសង្ឃឹមថា វានឹងជួយផ្តល់នូវភាពច្បាស់លាស់ដែលអាមេរិកមានបំណងបង្កើតការគាំទ្រលើការកៀរគរថវិកាចំនួន១០០ប៊ីលានដុល្លារអាមេរិក»។ មន្ត្រី UN បានបញ្ជាក់។
ដំណឹងនេះគឺជាសេចក្តីសង្ឃឹមខ្លះៗទុកជាមុនទៅលើផ្នែកអាកាសធាតុ បន្ទាប់ពីមានរបាយការណ៍ថ្មីៗជាច្រើនបង្ហាញពីរូបភាពដ៏អាក្រក់នៃផែនដីនាពេលអនាគត ស្របពេលអ្នកបំពុលបរិយាកាសកំពូលៗក្នុងលោកនៅតែបន្តបញ្ចេញឧស្ម័នផ្ទះកញ្ចក់ក្នុងអត្រាគួរឱ្យព្រួយបារម្ភ។
លោកនាយករដ្ឋមន្ត្រីអង់គ្លេស Boris Johnson សហរៀបចំកិច្ចប្រជុំបាននាំមេដឹកនាំឲ្យទទួលបន្ទុកបរាជ័យរបស់ពូកគេដើម្បីឲ្យសន្យាផ្តល់មូលនិធិដែលមានបំណងរកឲ្យបាន១០០ប៊ីលានដុល្លារអាមេរិកជារៀងរាល់ឆ្នាំចាប់ពីឆ្នាំ២០២០ដល់ឆ្នាំ២០២៥៕
ប្រែសម្រួល៖ វីរបុត្រ
ប្រភព៖ AFP
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត