ព័ត៌មានអន្ដរជាតិ
កាណាដាត្រូវបង់ប្រាក់រាប់ពាន់លានដុល្លារទៅកុមារជនជាតិដើមដែលត្រូវបានបំបែកពីគ្រួសារ
ប្រទេសកាណាដាបានប្រាព្ធទិវាជាតិលើកដំបូងដើម្បីរំលឹកដល់ជនរងគ្រោះ និងអ្នករស់រានមានជីវិតពីប្រព័ន្ធសាលារៀនលំនៅដ្ឋានរបស់ប្រទេស។
ថ្ងៃឈប់សម្រាកតាមច្បាប់បានធ្វើឡើងមួយថ្ងៃបន្ទាប់ពីតុលាការសហព័ន្ធបានរក្សាសាលក្រមឆ្នាំ២០១៦ដែលបានបញ្ជាឲ្យរដ្ឋាភិបាលបង់ប្រាក់ជំងឺចិត្តដល់កុមារជនជាតិដើមដែលត្រូវបានដាក់ឲ្យរៀន និងមើលថែបែកចេញពីក្រុមគ្រួសាររបស់ពួកគេ។
ទិវាជាតិដែលត្រូវបានហៅជាផ្លូវការថា «សច្ចធម៌ និងការផ្សះផ្សា»កាលពីថ្ងៃព្រហស្បតិ៍ និងការសម្រេចរបស់តុលាការបានគូសបញ្ជាក់ពីប្រវត្តិសាស្ត្រនៃការរើសអើង និងការធ្វើទុក្ខបុកម្នេញលើសហគមន៍ជនជាតិដើម First Nations។
លោកនាយករដ្ឋមន្ត្រីកាណាដា Justin Trudeau បានឲ្យដឹងថា ថ្ងៃឈប់សម្រាកគឺជាការទទួលស្គាល់«ចំពោះភយន្តរាយ អយុត្តិធម៌ និងការធ្វើទុក្ខបុកម្នេញដែលជនជាតិដើមទទួលរង និងនៅតែបន្តប្រឈម ដោយសារតែប្រព័ន្ធសាលារៀនលំនៅដ្ឋាន ការប្រកាន់ពូជសាសន៍ជាប្រព័ន្ធ និងការរើសអើងនៅតែកើតមានក្នុងសង្គមរបស់យើង»។
«យើងទាំងអស់គ្នាត្រូវតែរៀនអំពីប្រវត្តិសាស្ត្រ និងកេរ្តិ៍ឈ្មោះរបស់សាលារៀនលំនៅដ្ឋាន»។ លោកនាយករដ្ឋមន្ត្រីមានប្រសាសន៍ និងបន្តថា «វាជាការប្រឈមនឹងការពិតដ៏លំបាកទាំងនេះ និងកែតម្រូវកំហុសឆ្គង់ នោះយើងអាចឆ្ពោះទៅមុខរួមគ្នាប្រកបដោយភាពវិជ្ជមាន យុត្តិធម៌ និងអនាគតរុងរឿងកាន់តែច្រើន»។
លោក Trudeau បានឲ្យដឹងថា កុមារជនជាតិដើមភាគច្រើនបំផុតរាប់ពាន់នាក់ត្រូវបានគេបំបែកចេញពីក្រុមគ្រួសារ និងបង្ខំឲ្យរៀនសូត្រនៅសាលារៀនលំនៅដ្ឋានចន្លោះសតវត្សរ៍ទី១៩ និងទសវត្សរ៍ឆ្នាំ១៩៩០។ យ៉ាងហោចណាស់កុមារជនជាតិដើម ១៥០ ០០០នាក់ មកពីទូទាំងប្រទេសទទួលរងផលប៉ះពាល់។
គណៈកម្មការសច្ចធម៌ និងការផ្សះផ្សារបស់កាណាដាបាននិយាយនៅក្នុងរបាយការណ៍ឆ្នាំ ២០១៥ ដែលបានពិពណ៌នាលំអិតអំពីប្រព័ន្ធសាលារៀនលំនៅដ្ឋាន បានប៉ាន់ស្មានថា កុមារជាង៤០០០នាក់បានស្លាប់នៅសាលារៀនលំនៅដ្ឋានក្នុងរយៈពេលនោះ។
តាមរបាយការណ៍បង្ហាញថា ក្នុងរយៈពេលនោះ ការរំលោភបំពានលើរាងកាយ ផ្លូវភេទ និងផ្លូវចិត្តត្រូវបានទទួលរងដោយកុមារនៅស្ថាប័នគ្រប់គ្រងដោយរដ្ឋ និងព្រះវិហារកាតូលិក។
កាលពីដើមឆ្នាំនេះ អដ្ឋិធាតុ ឬសំណល់កុមាររាប់រយត្រូវបានគេរកឃើញនៅតាមទីតាំងជាច្រើនដែលជាអតីតកន្លែងសាលារៀនលំនៅដ្ឋាន។
កុមាររាប់ពាន់នៃសហគមន៍ជនជាតិដើម First Nations ដែលត្រូវបានគេបំបែកចេញពីក្រុមគ្រួសារ និងដាក់ចូលក្នុងសុខុមាលភាពប្រហែលជាទទួលបានសំណងឆាប់ៗ បន្ទាប់ពីតុលាការបានចេញសេចក្តីសម្រេចកាលពីថ្ងៃពុធ។
ឆ្នាំ២០០៧ សង្គមថែទាំ និងសភាជនជាតិដើម First Nations បានដាក់ពាក្យបណ្តឹងសិទ្ធិមនុស្សលើប្រទេសកាណាដាដោយចោទប្រកាន់ពីបទរើសអើងប្រឆាំងប្រឆាំងនឹងកុមារជនជាតិដើម First Nations និងក្រុមគ្រួសារ។
ប៉ុន្មានឆ្នាំបន្ទាប់ពីដំណើរការរឿងក្តី និងសវនាការ សាលាក្តីសិទ្ធិមនុស្សកាណាដាបានសម្រេចឲ្យរដ្ឋាភិបាលសហព័ន្ធនៅឆ្នាំ២០១៩បង់ប្រាក់ទៅកុមារ ឪពុកម្តាយ ឬយាយតាប្រមាណ ៣១០០០ដុល្លារអាមេរិកម្នាក់ៗ។ នេះបើយោងតាមកំណត់ហេតុរបស់តុលាការ។ ពួកគេអាចទទួលបាន២០០០០ដុល្លារសម្រាប់ការឈឺចាប់ដោយការធ្វើទុក្ខបុកម្នេញ និង២០០០០ដុល្លារទៀតសម្រាប់ការរើសអើង។
កុមារដែលត្រូវបានដាក់ចូលទៅក្នុងការចិញ្ចឹមថែរក្សាមុនពេលថ្ងៃទី១ ខែមករា ឆ្នាំ២០០៦ និងនៅមានរហូតដល់ពេលនេះ មានសិទ្ធិទទួលបានប្រាក់សំណង។
វាមិនទាន់ច្បាស់ទេថាតើមនុស្សប៉ុន្មាននាក់ដែលនឹងទទួលបានសំណង ប៉ុន្តែបើតាម សង្គមថែទាំ និងសភាជនជាតិដើម First Nations បានប៉ាន់ស្មានថា ប្រហែលជា៥៤០០០នាក់អាចទទួលបានសំណង៕
ប្រែសម្រួល៖ វីរបុត្រ
ប្រភព៖ CNN
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត