ពេលនេះ អ្នកជំនាញ ដាក់ក្តីសង្ឃឹមខ្លាំងបំផុត លើថ្នាំគ្រាប់ ព្យាបាលកូវីដ

ថ្នាំគ្រាប់ដែលអាចព្យាបាលរោគសញ្ញាកូវីដ-១៩ អាចនឹងមានក្នុងពេលឆាប់ៗនេះ ព្រោះការសាកល្បងកំពុងបន្ត។

យោងតាមក្រុមអ្នកជំនាញបានប្រាប់ CNN ថា ការព្យាបាលដោយប្រើថ្នាំគ្រាប់ ប្រឆាំងវីរុសគឺមានសក្តានុពលក្នុងការព្យាបាលរោគសញ្ញាកូវីដ និងកាត់បន្ថយការរីករាលដាលក្នុងពេលតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្នាំគ្រាប់នេះ គឺស្រដៀងនឹងថ្នាំ Tamiflu ដែលជារឿយៗ ត្រូវបានប្រើប្រាស់ដើម្បីព្យាបាលភាពធ្ងន់ធ្ងរនៃរោគសញ្ញា ជំងឺផ្តាសាយ។

លោកស្រីវេជ្ជបណ្ឌិត Elizabeth Duke សហការីនៅមជ្ឈមណ្ឌលស្រាវជ្រាវ Fred Hutch ដែលត្រួតពិនិត្យការធ្វើតេស្តថ្នាំគ្រាប់កូវីដ-១៩ បាននិយាយថា វាពិបាកណាស់ក្នុងការប្រមូលមនុស្ស ឲ្យមកសាកល្បងព្រោះ អ្នកចូលរួមត្រូវតែមិនចាក់វ៉ាក់សាំង។

ទោះបីជាយ៉ាងណាក៏ដោយ លោកស្រី Duke បានប្រាប់ CNN ថា លោកស្រីមើលឃើញពីសក្តានុពលនៃសមត្ថភាពថ្នាំគ្រាប់ ដើម្បីធ្វើឲ្យជីវិតធម្មតាឡើងវិញ។

លោកស្រី Duke ដែលកំពុងត្រួតពិនិត្យការសាកល្បង បាននិយាយថា “សូមគិតអំពីរឿងនោះ។ អ្នកអាចផ្តល់វាដល់អ្នករាល់គ្នានៅក្នុងគ្រួសារ ឬអ្នករាល់គ្នានៅក្នុងសាលារៀន។ បន្ទាប់មក យើងនិយាយអំពីការវិលត្រឡប់ទៅរកជីវិតធម្មតាវិញ” ។

ក្រុមហ៊ុនជាច្រើនបានព្យាយាមផលិតថ្នាំកូវីដទាំងនេះ។ ជាឧទាហរណ៍ ក្រុមហ៊ុន Pfizer បានចាប់ផ្តើមផលិតថ្នាំមួយក្នុងចំណោមថ្នាំទាំងនោះ។

ដូចគ្នានេះដែរ ក្រុមហ៊ុន Oravax បានប្រកាសកាលពីដើមឆ្នាំនេះថា ខ្លួនកំពុងព្យាយាមផលិតថ្នាំបង្ការជំងឺកូវីដ-១៩។ ជាការពិត ការសិក្សានៅតែបន្តសម្រាប់ថ្នាំគ្រាប់បែបនេះ៕

ប្រែសម្រួល៖ Vann Vann

ប្រភព៖ Deseret

ចុចអាន៖ ក្រុមហ៊ុនវ៉ាក់សាំង BioNTech ថា ពិភពលោកកុំភ័យខ្លាចរស់នៅជាមួយ កូវីដ វានឹងអាចគ្រប់គ្រងបាន