ថៃ ព្រមានខេត្តចំនួន ៣ ឲ្យប្រយ័ត្នខ្លួនចំពោះ គ្រោះទឹកជំនន់

នាយកដ្ឋានធារាសាស្ត្រថៃ (RID) បានជូនដំណឹងដល់ខេត្តចំនួន ៣ នៅតំបន់ភាគកណ្តាល ឲ្យមានការប្រុងប្រយ័ត្នខ្ពស់ចំពោះ គ្រោះទឹកជំនន់។

អគ្គនាយក RID លោក Prapit Chanma បាននិយាយកាលពីម្សិលមិញថា ដោយសារតែទឹកទន្លេ Chao Phraya នៅតែបន្តជន់លិចសហគមន៍តាមដងទន្លេ, RID ត្រូវតែយកតំបន់នៅខាងលើទំនប់ Chao Phraya ដើម្បីបន្ថយល្បឿនទឹកនិងជួយកាត់បន្ថយបញ្ហានេះ។

ជាលទ្ធផល កម្រិតទឹកនៅក្នុងតំបន់នោះ អាចកើនឡើងដល់ប្រមាណ ២០ សង់ទីម៉ែត្រ។ នេះអាចជះឥទ្ធិពលដល់ស្រុកចំនួនបីនៅខេត្ត Chai Nat មានដូចជាស្រុក Wat Sing, Manorom និង Muang ក៏ដូចជាស្រុក Muang នៃខេត្ត Uthai Thani និងស្រុក Phayuha Khiri នៃខេត្ត Nakhon Sawan ផងដែរ។

លោកនិយាយថា អភិបាលខេត្ត Chai Nat ត្រូវបានស្នើឲ្យជូនដំណឹងដល់ភ្នាក់ងាររដ្ឋដែលនៅជិតទន្លេ Chao Phraya និងទំនប់ Chao Phraya ឲ្យត្រៀមខ្លួនទប់ទល់នឹងគ្រោះទឹកជំនន់បន្ថែមទៀត ខណៈទឹកបានឡើងផុតច្រាំង ហើយហូរចូលទៅក្នុងតំបន់ទន្លេខាងក្រោម ដោយជន់លិចសហគមន៍នៅក្បែរនោះ។

លោកបានបន្ថែមថា RID ក៏មានគម្រោងបង្ហូរទឹកពីទំនប់ Pasak Jolasid ទៅកាន់ទន្លេ Chao Phraya ផងដែរ ដើម្បីអាចទប់ទឹកបានច្រើនពីខេត្ត Phetchabun និង Lop Buri៕

ប្រែសម្រួល៖ សន្យា

ប្រភព៖ Bangkok Post

ចុចអាន៖ ក្រុមហ៊ុនឱសថ BioNTech ចាប់ផ្ដើមសាកល្បងវ៉ាក់សាំងការពារជំងឺសាហាវបំផុតទី ២ លើលោក