ព័ត៌មានអន្ដរជាតិ
ISIS-K កាន់តែបានដៃ ម្សិលមិញបំផ្ទុះគ្រាប់បែកអត្តឃាត សម្លាប់មនុស្ស១០០នាក់ទៀត នៅអាហ្វហ្គានីស្ថាន
អ្នកបំផ្ទុះគ្រាប់បែកអត្តឃាតម្នាក់ បានសម្លាប់មនុស្សយ៉ាងតិច ១០០ នាក់នៅវិហារឥស្លាមនិកាយស៊ីអ៊ីតមួយ នៅភាគខាងជើងប្រទេសអាហ្វហ្គានីស្ថាន បន្ទាប់ពីមានការវាយប្រហារជាបន្តបន្ទាប់ដោយក្រុម ISIS-K ស្របពេលប្រទេសនេះ កាន់តែធ្លាក់ចូលទៅក្នុងភាពច្របូកច្របល់ក្រោយការដកទ័ពរបស់អាមេរិក។
ជនរងគ្រោះជាច្រើនមកពីសហគមន៍ជនជាតិភាគតិច បានរងរបួសនៅក្នុងការផ្ទុះនេះ ដែលវាហាក់ដូចជាការវាយប្រហារ ដើម្បីធ្វើឲ្យប្រទេសអាហ្វហ្គានីស្ថាន កាន់តែអស្ថិរភាព បន្ទាប់ពីការចូលកាន់កាប់របស់ក្រុមតាលីបង់។
ក្រុមជ្រុលនិយមរដ្ឋឥស្លាម ដែលជាគូប្រជែងដ៏ជូរចត់របស់ពួកតាលីបង់ បានដាក់គោលដៅទៅលើក្រុមនិកាយស៊ីអ៊ីតម្តងហើយម្តងទៀត ក្នុងគោលបំណងបំផ្ទុះអំពើហិង្សាសាសនា នៅអាហ្វហ្គានីស្ថាន ដែលភាគច្រើនកាន់និកាយស៊ុននី។
ការបំផ្ទុះដែលកើតឡើងអំឡុងការអធិស្ឋានថ្ងៃសុក្រ ដែលជាថ្ងៃសំខាន់បំផុតប្រចាំសប្តាហ៍សម្រាប់ប្រជាជនមូស្លីម គឺជាការវាយប្រហារសាហាវបំផុតចាប់តាំងពីអាមេរិកដកទ័ព ហើយចាប់តាំងពីពួកឥស្លាមនិយម ឡើងកាន់អំណាចនៅចុងខែសីហា។
ប្រភពវេជ្ជសាស្ត្រនៅមន្ទីរពេទ្យ Kunduz បាននិយាយថា មានមនុស្សស្លាប់ចំនួន ៣៥ នាក់និងអ្នករបួសជាង ៥០ នាក់ត្រូវបានបញ្ជូនទៅទីនោះ ខណៈដែលបុគ្គលិកម្នាក់នៅមន្ទីរពេទ្យរបស់អង្គការគ្រូពេទ្យគ្មានព្រំដែន (MSF) បានរាយការណ៍អំពីអ្នកស្លាប់និងរបួស ច្រើននាក់ទៀត។
បុគ្គលិកជំនួយអន្តរជាតិម្នាក់នៅមន្ទីរពេទ្យ MSF ក្នុងទីក្រុងបានប្រាប់ AFP ថា ចំនួនអ្នកស្លាប់អាចនឹងកើនឡើងថែមទៀត៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ តាលីបង់ ធ្វើទារុណកម្មចាប់ដកក្រចកដៃ មុនពេលប្រហារជីវិតភ្នាក់ងារចារម្ម អាហ្វហ្គានីស្ថាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង