ព័ត៌មានអន្ដរជាតិ
ក្រុមមន្ត្រី រុស្ស៊ី បារម្ភថាលោក ពូទីន ឆ្លងកូវីដ ក្រោយឃើញក្អកច្រើនលើកក្នុងកិច្ចប្រជុំ
ប្រធានាធិបតីរុស្ស៊ីលោក វ្ល៉ាឌីមៀ ពូទីន បាននិយាយថា លោកមានជំងឺផ្តាសាយ មិនមែនកើតកូវីដទេ បន្ទាប់ពីលោកត្រូវបានគេឮក្អកម្តងហើយម្តងទៀត នៅក្នុងកិច្ចប្រជុំតាមទូរទស្សន៍ជាមួយក្រុមមន្រ្តី ។
លោក ពូទីន បានប្រាប់សន្និសីទវីដេអូមួយកាលពីថ្ងៃចន្ទ ជាមួយក្រុមប្រឹក្សាសន្តិសុខរបស់លោកថា “កុំបារម្ភអីអ្វីៗមិនអីទេ ។ ពួកគេធ្វើតេស្តជារៀងរាល់ថ្ងៃ ហើយការធ្វើតេស្តនោះមិនត្រឹមតែរកកូវីដប៉ុណ្ណោះទេ គឺរកមេរោកឆ្លងផ្សេងទៀតទាំងអស់ ហើយអ្វីៗគឺមិនអីទេ” ។
ក្នុងកិច្ចប្រជុំតាមទូរទស្សន៍នោះលោក ពូទីន បានជួបជាមួយមន្រ្តីជាច្រើនដើម្បីពិភាក្សាអំពីវិស័យកសិកម្ម ដែលក្នុងនោះគាត់ត្រូវបានគេឃើញ និងឮក្អកជាច្រើនលើក ។
ក្រោយឃើញបែបនេះលោកស្រី Valentina Matviyenko ប្រធានសភាជាន់ខ្ពស់បានសួរនាំអំពីសុខភាពរបស់លោក ពូទីន នៅក្នុងកិច្ចប្រជុំក្រុមប្រឹក្សាសន្តិសុខ ។ លោកស្រីបាននិយាយថា “មនុស្សគ្រប់គ្នាមានការព្រួយបារម្ភថា លោក ពូទីន ឆ្លងកូវីដ” ។
លោក ពូទីន បានប្រាប់ក្រុមប្រឹក្សាសន្តិសុខថា “ខ្ញុំស្ថិតនៅក្នុងខ្យល់ត្រជាក់ ប៉ុន្តែគ្មានអ្វីគួរឲ្យភ័យខ្លាចកើតឡើងនោះទេ ។ ខ្ញុំដឹងថា អ្នកទាំងអស់គ្នាបានចាក់វ៉ាក់សាំងពេញ ២ ដូស ហើយកុំភ្លេចចាក់វ៉ាក់សាំងដូសទី ៣” ។
ប្រធានាធិបតីរុស្ស៊ីដែលកាលពីសប្តាហ៍មុនបានប្រារព្ធពិធីខួបកំណើតគម្រប់ ៦៩ ឆ្នាំរបស់លោក បានធ្វើចត្តាឡីស័កកាលពីខែមុន បន្ទាប់ពីលោកបានប៉ះផ្ទាល់បុគ្គលិករាប់សិបនាក់របស់លោក ដែលរងផលប៉ះពាល់ពីការផ្ទុះឡើងនៃជំងឺកូវីដ ១៩ ។
ក្រោយមកលោក ពូទីន មិនបានបង្ហាញពីអាការរោគណាមួយជាសាធារណៈឡើយ ហើយបានបង្ហាញខ្លួនសាជាថ្មី បន្ទាប់ពីរៀបចំកិច្ចប្រជុំដោយផ្ទាល់រយៈពេល ២ សប្តាហ៍ជាមួយប្រធានាធិបតីទួរគីលោក Recep Tayyip Erdogan នៅថ្ងៃទី ២៩ ខែកញ្ញា ។ ទោះយ៉ាងណាក៏ដោយ ចាប់តាំងពីពេលនោះមក លោក ពូទីន នៅតែបន្តធ្វើកិច្ចប្រជុំសាធារណៈភាគច្រើនតាមរយៈ Video Conference ៕
ប្រែសម្រួលដោយ ៖ ជីវ័ន្ត
ប្រភព ៖ NDTV
ចុចអាន ៖ រុស្ស៊ី នឹងសាកល្បងប្រើវ៉ាក់សាំងកូនកាត់ការពារវីរុសបំប្លែងខ្លួននៅឆ្នាំក្រោយ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»