រុស្ស៊ី នឹងសាកល្បងប្រើវ៉ាក់សាំងកូនកាត់ការពារវីរុសបំប្លែងខ្លួននៅឆ្នាំក្រោយ

មជ្ឈមណ្ឌលស្រាវជ្រាវ Gamaleya របស់រុស្ស៊ីនឹងចាប់ផ្តើមសាកល្បងព្យាបាលលើការលាយបញ្ចូលគ្នាវ៉ាក់សាំងផ្តាសាយ និងវ៉ាក់សាំងការពារជំងឺកូវីដ ១៩ នៅចុងឆ្នាំ ២០២២ ។ នេះបើយោងតាមលោក Alexander Gintsburg នាយកមជ្ឈមណ្ឌលបាននិយាយនៅថ្ងៃព្រហស្បតិ៍នេះ ។

វ៉ាក់សាំងកូនកាត់ដែលប្រឆាំងនឹងជំងឺបង្កឡើងដោយវីរុស Rotaviruses ត្រូវបានគេយកធ្វើជាមូលដ្ឋានសម្រាប់ថ្នាំព្យាបាលកូវីដនាពេលអនាគត ។

ទន្ទឹមនឹងនោះដែរ ការស្រាវជ្រាវនេះក៏កំពុងដំណើរការដើម្បីបង្កើតវ៉ាក់សាំងដែលមានប្រសិទ្ធភាពប្រឆាំងនឹងវីរុសបំប្លែងខ្លួនផ្សេងៗផងដែរ ។

លោក Gintsburg បានប្រាប់កាសែត Izvestia ថា “បច្ចេកវិទ្យាសម្រាប់វ៉ាក់សាំងនេះត្រូវបានបង្កើតរួចហើយ ប៉ុន្តែការសាកល្បងព្យាបាលមិនទាន់បានចាប់ផ្តើមនៅឡើយទេ ។ ប៉ុន្តែប្រសិនបើអ្វីៗដំណើរការបានល្អ បច្ចេកវិទ្យានេះនឹងដំណើរការ ហើយបន្ទាប់មកយើងនឹងបន្តទៅជម្រើសរួមបញ្ចូលគ្នារវាងអង់ទីហ្សែនជំងឺផ្ដាសាយ Hemagglutinin និងប្រូតេអ៊ីន S ទៅក្នុងវ៉ាក់សាំងតែមួយ ខណៈការសាកល្បងព្យាបាលនៃថ្នាំថ្មីនេះនឹងចាប់ផ្តើមនៅចុងឆ្នាំក្រោយនេះ” ។

ស្របពេលជាមួយគ្នានេះ មជ្ឈមណ្ឌលស្រាវជ្រាវផ្សេងទៀតរបស់រុស្ស៊ីឈ្មោះ Vector ក៏កំពុងបង្កើតវ៉ាក់សាំងរួមគ្នាប្រឆាំងនឹងជំងឺផ្តាសាយ និងកូវីដ ១៩ ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ឡើងថតឈុតឆាកខ្សែភាពយន្តផ្ទាល់ៗនៅទីអវកាស