Connect with us

ព័ត៌មានអន្ដរជាតិ

ចិន បាញ់សាកល្បងមីស៊ីលល្បឿនលឿនជាងសំឡេង ៥ ដង អាចចាប់ចារកម្ម អាមេរិក មិននឹកស្មានដល់

បានផុស

នៅ

កាសែតមួយរបស់អង់គ្លេសនិយាយថា ប្រទេសចិនបានបាញ់សាកល្បងមីស៊ីលល្បឿនលឿនជាងសម្លេងដែលមានសមត្ថភាពនុយក្លេអ៊ែរកាលពីខែសីហា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សម្តីមនុស្សចំនួន ៥ នាក់ដែលដឹងពីការធ្វើតេស្តនេះ កាសែត Financial Times កាលពីថ្ងៃអាទិត្យបានរាយការណ៍ថា យោធាចិនបានបាញ់គ្រាប់រ៉ុក្កែតដែលផ្ទុកយានហោះលឿនជាងសំឡេង ។

កាសែតខាងលើបាននិយាយទៀតថា មីស៊ីលនេះបានហោះឆ្លងកាត់ទីអវកាស មុនពេលធ្វើដំណើរឆ្ពោះទៅគោលដៅរបស់វា ។

ទន្ទឹមនោះ វាក៏ខកខានបាញ់ចំគោលដៅផងដែរ ប៉ុន្តែការសាកល្បងនេះត្រូវបានគេនិយាយថា បង្ហាញពីវឌ្ឍនាភាពគួរឲ្យភ្ញាក់ផ្អើលរបស់ប្រទេសចិន លើបច្ចេកវិទ្យាកាំជ្រួចមីស៊ីលល្បឿនលឿនជាងសំឡេង ដែលអាចចាប់បានចារកម្មអាមេរិកដោយមិននឹកស្មានដល់ ។

ស្របពេលជាមួយគ្នានេះ សហរដ្ឋអាមេរិក និងរុស្ស៊ីក៏បាននិងកំពុងធ្វើការលើមីស៊ីលល្បឿនលឿនជាងសំឡេងផងដែរ ។ អាវុធបែបនេះហោះហើរក្នុងល្បឿនលឿនជាងសំឡេង ៥ ដង ហើយអាចបញ្ជាបានក្នុងពេលហោះហើរដែលធ្វើឲ្យពួកគេពិបាកតាមដាន ។

ចំណែកអ្នកជំនាញនិយាយថា ការអភិវឌ្ឍពេញលេញនៃបច្ចេកវិទ្យាបែបនេះដោយចិន ក៏នឹងជះឥទ្ធិពលដល់ប្រព័ន្ធការពារមីស៊ីលរបស់អាមេរិក និងជប៉ុនផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រថភ្លើងល្បឿនលឿនរត់ ១៦០ គីឡូម៉ែត្រក្នុងមួយម៉ោង លើផ្លូវដែក ចិន-ឡាវ មកដល់ទីក្រុងវៀងចន្ទន៍ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម